نبغي معلومات اكثر من صاحبة الموضوع
عن المدة الي جلس الوجة فيها حلو لانو لو كم يوم مايسوا 500ريال
عن المدة الي جلس الوجة فيها حلو لانو لو كم يوم مايسوا 500ريال
الصفحة الأخيرة
دحين انا ابصم بالعشره انها تختلف من مكان لمكان
حاقلكم تجربتي
لما كنت حامل رحت مع زوجي مراجعه عند دكتوري المفضل وزوجي كان بيعالج شعرو وسألت الدكتور عن دي الابر والاسم العلمي لها هوا الميزوثيرابي ومدحلي فيها مره وقلي ماتنفع وقت الحمل ولا الرضاعة
المهم بعد ماولدت بفتره قلت راح اروح اعملها وكنت متفائلة مرررررة
وخاصة انو انا اثق بدا الدكتور مره
ورحت عملتها وكان عباره عن كورس وكل 10 ايام اروح اخد التانية قلي تحتاجي من 5 الى 6 ابر
الابرة كانت ب 500 ريال ااااااااه يافلوسي
طريقتو كانت يخدرو وجهي بقطعة ثلج وبعدين يبدا الدكتور يغز غزات بسيطة لكل مناطق وجهي وكانت مره توجع بس لما ينتهي مافي الم خلاص
ولما يخلص تدهنلي الممرضة كريم خفيف مره
والله والذي لا اله الا هوا ولا واحد بالميه اتحسنت بشرتي وانا عملت 6 جلسات كل ما اقول يادكتور يقلي المره الجاية راح تحسي بفرق فظيع ويطلع كلام فاضي وبعدين قلي تحتاجي ابره سابعة
كل مره قبل لا اروح كنت احتااااار ياربي اروح اكمل ولا اوقف اخاف اوقف يكون من جد حالقى فايدة وقديني مشيت بالطريق
مره احساس غبي لما تحسي انك جالسه تدفعي ع الفاضي
وووووو حكاية طويلة ادا احد يبا تفاصيل عادي يقول
ومن بعد دي المره سار احب دكتور ليا اللي هوا دكتور خلدون اكره واحد ليا عشان حسيتو غشني مره
وبس دي حكايتي
فاكتشفت انو دي الابر مي وحده ومن مكان لمكان بتختلف فسبحان الله مسألة حظ
وانا بشرتي دهنية مختلطة نفس الشي ولكن راحت 3000 ريال في الهوا ياريتي عملت ليزر فيهم ههههه