انا مافهمت سبب الضرب ولكن اكيد انضربت لانها تستاهل ياماما كلنا انضربن ونحب اهلنا قد الدنيا بعج ماجربنا الامومه نعرف انو اذا ضربنا عشان نقوم سلوك ماقام بالكلام

ام طارق حبيبتي... بعلمك كم شغلة حطيها حلقة باذنك

1) لا تعتذري للمراهق ابدا... مثل ماقالت واحدة من الاخوات, اجلسي معها جلسة تصالح لكن من غير اعتذار... فهميها ليه انضربت وان تصرفها مزعج وماتحبين يتكرر منها مرة ثانية... وفهميها انك تحبينها وماترضين منها الاساءة لك او لغيرك...
ليش لا تعتذري؟؟ لان هالفترة حساسة... اذا حست انها انضربت من غير حق بتشيل بخاطرها اكثر... وهذا مو بصالحك... مازلت اتذكر مراهقتي وكانها امس سبحان الله...

2) احتويها عاطفيها... يعني بين الحين والثاني خذيها بصدرك وخليها تسولف لك عن يومها بالمدرسة وغيره... خليها تحس ناحيتك بالعاطفة حتى ماتغلط وتتجاوز وترفع صوتها عليك...

بصراحه يابنات تجيبون كلام مدري من وين من قالكم أن المراهق ماينضرب بعض المراهقين من الجنسين مايتأدب ويصحى على حاله ألا بعد علقة محترمه تخليه يراجع تصرفاته
بنات أطلعوا على كتب غربيه الي كذبوا علينا بقضية أن المراهق ماينضرب ألا ينضرب أنا قارية كتب ومقالات لدكاتره أمريكان جاتهم حالات أيدو فيها الضرب لن جميع الحلول تم تجربتها مع المراهق ولاتغير شي وماجاب نتيجه ألا الضرب
ولاتعتذرين لها أنتي ماغلطتي حقك تضربيها أذا غلطت
وربي يهديها ويألف بين قلوبكم

حبيبتي اهم شي في التعامل مع الابناء سواء كان طفل او مراهق انچ تشليين الحواجز بينگم يعني مثلاً تكونيين للبنت مثل صديقتها بالضبط وأكثر فتحي معاها مواضيع اطلعي السوق معاها اطبخي وعلميها عشان انتي تاخذييييين كل اهتمامها ولا يكون في فرصه لأي احد يشد انتباهها وبگذا ي قلبي م راح تغلط ولا راح تخبي عليج شي
بس اذا غلطت حسسيها انها غلطانه وتستاهل عقاب بس مب بالضرب يعني احرميها من اشياء تحبها
و ربي يصلح حال ذريتج إن شاءالله
آسفه ع الاطاله ❤

هوني على نفسك ياقلبي ،
اذا كان الضرب لسبب يستاهل ، لاتعتذري منها حتى ماتعيد الخطأ ، فقط اجلسي معها و وضحي لها غلطها و وجهيها و ذكريها انك امها واكثر وحده تخاف عليها وتهتم فيها وبمصلحتها


لكن اذا مايستاهل الضرب اجلسي معها وفهميها انها استفزتك باسلوبها لذلك ضربتيها و اوعديها تمسكين اعصابك وماتكررينها وهي توعدك ماتستفزك وتسمع كلامك و تطيعك وما ترد الكلمه بعشره