السلام عليكم
اليوم انصدمت من زوجي والشغاله (اندونيسيه )..:44:
سبق وكتب عنها ..كانت تسرق وتكذب لولا انا خوفناها من وجود كاميرا كان مازالت تسرق بشكل واضح ..غير كذا انا مفهمتها ان لما تعبي ماي للمكوه يكون ماي حلو ومخصصه اغراش ..المهم لاحظت من فتره انا الملابس تبقع لون ابيض وانا اقول لها اكيد تعبين المكوه ماي حلو؟ تقولي ايوه وانبه عليها لاتستخدم ابدا ماي من الحنفيه لانه مالح ويبقع الملابس المهم قبل امس خلاااص وصلت حدي من الملابس المبقعه وخاصه ملابس زوجي للعمل فسألتها مره ثانيه قالت لاا ابدا ماتستخدم الا الماي الحلو ولا استخدم الحنفيه قلت لها جيبي المكوه اشوف جابته الا كلل الفتحات حوليها قطع ابيض مثل الحجر قلت لها شنو هذا ؟اكيد ماي الحنفيه وفوق هذا تشوفينه ولاتنظفينه ؟! :mad: انكرت ودورت راسي لين مابعدين اعترفت قالت بس مره قلت جيبي الماي الخاص للمكوه جابته وهو كبييير تقريبا 4 لتر جربته على لساني الا ماااااالح وهي تقول لا انا بس مره وحطيت شوي من ماي الحنفيه مع الماي الحلو ؟؟ طيب ليه سويتي كذا الا تقول عشاني مستعجله قلت لها طيب ماهي الغرشه مليانه ماي حلو ليه بعد تحطين ماي من الحنفيه ؟ وقامت تلف وتدور علي و تقول انا بس مرره وحده مع من زمااااان الملابس مبقعه والغرشه وااضح انها مش مخلوط .. كلها من الحنفيه اصلا وللعلم بان عندي ماي حلو اغراش معبيتهم وماي ثاني شارينه من السوبر ماركت وهي ماتشرب الا الي شارينه من السوبر ماركت ..المهم بعدين اعتذرت وانا صراحه مو غافره لها هالخطأ احسها مخادعه لاني كذا مره انبهها واحذرها وفوق هذا تكذب ماتعترف الا بعد ماتدور راسي ابي اعرف شنو الهدف من هالتصرف يعني ؟؟المهم اليوم بلبس بنتي الا ملابسها مبقعه وكذالك زوجي ملابسه مبقعه فعصب خلااااااااص طلع من طوره لان من فتره وهو مقهور منها ومن تصرفاتها فنادى عليها وهي كالعاده تكذب تسوي نفسها مالها ذنب قال لها شفتي شنو سويتي بالمكوه ؟؟وبالملابس ؟؟وهو معصب في يده فوطه فضربها فيها :44: وانا اقوله كلل شي الا الضرب حرام ولو رفعت ضغطي لكن مامد يدي عليها ..انصدمت ان زوجي ضربها مع انه طييييب جدددددا وحنون المهم انصدمت من شي ثاني الشغاله قامت تبكي وجت لي تتوسل وهي اصلا شافتني اقول لزوجي لااا تطقها حرام واناظر لها وقلبي متوجع لها بعدين جت لي تعتذر وتبكي وتتوسل وتقريبا سجدت لي :(:30: وتضم يدينها الا على شكل توسل وتبكي وتكرر اسفه الله يخليك وانا اضطريت امسك يدها وارفعها اقول لها قوومي لاتعملي هالحركه :eek: وهي مااسكه في رجلي وتبكي يالله على ماقامت وانا متأثره مررررره :( ليه زوجي عمل كذا وانا اعاتبه ترى ينخاف منهم ومن شرهم ..ليه تقريبا شبه ساجده لي ؟ رغم تكرار اخطائها الي تدل على الغش والخداع ؟؟ كل هذا عشان فلوس وخايفه لا تتسفر ؟!!:confused::confused- وتصرفاتها الي شفتهم مايخليني آآمن لها ..احس رغم بكائها واعتذارها بخووووف اكثر ..خايفه لاتسوي شي وتأذينا ..لو هي حقيقي طيبه وقلبها ابيض كان ما غافلتني وسرقت اغراضي ..والا تغشني وتكوي بماي الحنفيه (مالح) وغيره ..شنو رايكم هل تفكيري وخوفي بمكانه ؟؟احسها تنافقني لما تتوسل رغم هدوئها الظاهر لكن من التصرفات الي ذكرتها احسها من تحت لتحت ..شنو رايكم بكل صراحه ؟؟
همسة غرام @hms_ghram
محررة برونزية
يلزم عليك تسجيل الدخول أولًا لكتابة تعليق.
بعضهم كذا تستقوي على صاحبة البيت وكثير تطنش كلامها
لكن لو عصب عليها الرجال وصارخ بوجهها تقوم تمشي زي الالف وتصير تخاف
للاسف هم يضطرونا لهالشي بس هو الصح
اتوقع انها بتنعدل معك الحين بس كمان انتي تابعيها اكثر وشوفي اذا جد انعدلت فانتي استفدتي
اذا رجعت لخرابيطها خلاص دوري لك طريقه تبعديها من عندك
وربي يوفقك ويكفيك شرها
لكن لو عصب عليها الرجال وصارخ بوجهها تقوم تمشي زي الالف وتصير تخاف
للاسف هم يضطرونا لهالشي بس هو الصح
اتوقع انها بتنعدل معك الحين بس كمان انتي تابعيها اكثر وشوفي اذا جد انعدلت فانتي استفدتي
اذا رجعت لخرابيطها خلاص دوري لك طريقه تبعديها من عندك
وربي يوفقك ويكفيك شرها
الصفحة الأخيرة
اكيد بنيتها شي والا ماكان عاندت
بس كلن ونيته ويارب انك تهديها وتصلح امورها معاك يااارب
ويكفيك شرها ويعطيك خيرها يااارب