لمسه دفى

لمسه دفى @lmsh_df

محررة فضية

اليوم بفرش سجادتي بالثلث الاخير من الليل وبدعي للي ترد علي.

الملتقى العام

يالمشرفه سالتس بالله ماتشوتين موضوعي.. خليه ع الاقل يومين..

اخواتي كيفكم..
بختصر لاني من الجوال اكتب..

اخواتي ياحبي لكم..

انا عندي مشكله ومحتاره..

اخواتي انا بنت مو متزوجه ولامتوظفه..
عسى ربي يرزقني زوج صالح عاجل غير اجل.. من جد اعاني من فراغ عاطفي كبير جدا.. عمري 29 الله كريم.

الموهم انا عندي شهاده بكالوريس وماتوظفت.. وحافز انقطع عني لاني عديت سنه.. الله كريم..

اخواتي انا ابوي موجود وكبير بالعمر بالثمانين وفيه سكر وضغط وقلب .. انا اللي اقوم بااعلاجاته وابره السكر . وتعرفون ابر السكر لازم من الصباح ياخذها..
صح عندي اختي اصغر مني بالبيت بس الوالد من ناحيه الابر والعلاج يعتمد علي بعد الله..يثق اكثر فيني. قولو ماشاء الله..

مشكلتي احتاج فلوس واذا طلبت ابوي يعصب ويزززززززززززعل ويشتكي لاخواني .. رغم ان لو احد من اخواني طلبه عطاه اكثثثثثثثثثثثثثر واكثر واخواني متوظفين ماشاء الله.. وحالتهم حلوه الماديه.. مو حسد لا...

السالفه ابوي يتضايق لو طلبناه.. . مثال لو طلبته ميه ريال يمكن يزعل... ولو احد من اخواني طلبه الف عطاه من دون تردد..

اخواتي انا حاااااااولت بكل الطرق.. الا طريق ربي.. انا بلتجى لربي ووكله امري.. اخواتي كلما طلبت ابوي لازم يصير هواش ونقاش..
اخواتي ابي اشحن جوالي ابي اقوم بنفسي..

انا اطلبه ميه متين شي بسيط وابوي مقتدر ولله الحمد.. ومع ذلك يعصب علي..

اخواتي انا يوم شفت الوضع كذا قررت اني ابد ماااطلبه علشان مايزعل علي.. اخاف من ربي..
المهم بعد قراري اني مااطلبه ابد.. فكرت اتوظف اي وظيفه علشان اقوم بنفسي..... المشكله لو تو ظفت من اللي بيقوم في ابوي.. وتعرفون دوام المدارس من سته اطلع من البيت... وابوي الابره ياخذها الساعه تسع وسكره هالاشهر مو مضمووون مرات يوصل لاربعين تخيلو واقوم اسعفه... وحبوبه فوق 15 حبه.. يعني صعبه اعطيع الابره من بدري..
صعبه اعطيه الابره بدري.

سكره مو مضمون.. واختي اللي اصغر مني ابوي مومعتمد عليها بسالفه السكر ابد ويرتاح لي اكثر من ناحيه علاج السكر..

اخواتي انا مابي اترك ابوووي والخبط سكره... وبنفس الوقت ابي فلوس عشان اقوم بنفسي ولااطلب ابوي ويزعل..
انا في حييييره مرررررا..

اخواتي احيان اقول لو تركت الفلوس عشان اقوم بخدمه ابوي يمكن ربي يعوضني.... وبنفس الوقت يااخوات انا بنت واحتاج الفلوس.. لاتقولون اطلبي اخوانتس او احد يكلم ابوتس.. مااقدر ابد.. كل الابواب متسكره بوجهي الا باب ربي..

اخواتي ابي اسمع كلامكم ابي اللي بخاطركم.. انا محتااااجه لربي ثم لكم. انا بفتره اعاني منها واعاني من فراغ عاااطفي كبيير جدا. خصوصا ابوي يقط علي كلام وانا اللي اقوم بخدمته.. وانقهر لما يعطي غيري مو حسد لا بس ليه احنا البنات دورنا مهمش بالبيت.. والله ياخواتي احنا البنات مضلومات.. اه بس..

انا الحمدلله دايم اذكر ربي.وادعي واستغفر يعني ملتزمه ولله الحمد....

اخواتي اراسلكم وانا ابكي.. والله دموعي بعيوني... من جد خاطري اتزووووووج وارتااااااح.. ع الاقل زوج يقولي كلام حلو.. والله خاطري اتزوج وارتاح... ومابي اثقل ع ابوي بطلباتي.. وانا اذا طلبت اطلب ميه وان كثرت 500 ريال. وغيري والله ابوي يدورهم عشان يعطيهم..ليه عشاني انا بنت وهو اولاد. وهم متوظفين . الاسلام امر بالعدل.. وانا تاركه وظيفتي لوجه الله عشان اخدم ابوي وبالاخير يتضايق اذا طلبته...

اخواتي انا محتاااجه لربي ثم لكم. ابي كلامكم... ولاتقولون لي اطلبيه بوقت رايق او خلي احد. او امتس لالا تكفون غير هالكلام قولوا لي..

احيان اقول خلاص ماراح اطلب الا ربي وبس..

الله يجزاكم خير..

ونسيت اقولكم صرت اعصب ومااتحمل اي كلام يجرح.. ابد خاصه من ابوي.. ياخوات هذا شي غصب عني.. انصحوني..

وبسالفه الوظيفه تنصحوني اقوم بخدمه ابوي والا ادور وظيفه... اخواتي يوم قررت اني مااطلب ابوي جاتني هالفكره حقت الوظيفه.. قلت يمكن الشيطان مايبني اخدم ابوي وقال دوري لتس وظيفه...
وماانكر اني يوم قررت مااطلب ابوي عشان ماازعله جاتني راحه ماشاء الله...بس يجي شي يقولي انتي محتاجه للمال..

اخواتي بدعيلكم بصلاه اللليل انصحوني..


ملاحظه. اخواتي الله يجزاكم خير.. اللي قالوا فاتحي ابوك بالموضوع حق الوظيفه ابوي يبيني اتوظف عشان مستقبلي. بس ابوي مو حاسب حساب سكره ومرضه.. يفكره سهل.... وابوي تعبااان... وامي الله يطول عمرها ماتعرف تقرى ولا تكتب..

الله يجزاكم خير..
93
3K

يلزم عليك تسجيل الدخول أولًا لكتابة تعليق.

تسجيل دخول

fuchsiaa
fuchsiaa
لله يفرج كربك اعتني في ابوك ولو حصل لك وظيفة توظفي واهلك يساعدونك

وان شاء الله تتزوجي بعدك صغيرة واللي في سنك في ذا الزمن ما تزوجو كثير

الله ييسر نصيبك وكل مسلمة


مثل العسل2011
مثل العسل2011
ماشاءالله عليك باااره بأبوك
ربي يعووووضك يارب ويرزقك الزوج الصالح اللي يغنيك عن كل شي
لمسه دفى
لمسه دفى
الله يجزاكم خيرر.
اح ـترت اع ـبر
ماجبتي طاري امك لان هي تقدر تأثر ع أبوك أو خالك أو احد أقاربك اللي يسمعلهم ابوك لا تشتكين صراحه من ابوك بس قولي انك تبغي وظيفه لان ينقصك أشياء كثيره واحتمال ابوك يفهم ويخصص لك راتب شهري الله يوفقك ياقلبي لما يحب ويرضئ ولا تنسي الاستغفار
موج البنفسج
موج البنفسج
طيب أبوك هل هو قابل فكرة تتوظفي؟؟
انت جسي نبضه لو ما وافق فرصة قوليله أنا يا بوي بدي أخدمك و أراعيك
بس محتاجة فلوس عشان ما أزعلك قلت أتوظف بس شايلة هم معالجتك و الاهتمام بك

وشوفي ايش ردة فعله على ضوءها حددي قرارك
والله يحنن أبوك عليك و ماشاء الله عليك انت بارة بس من حقك يكون لك مصروف
ودام ربي بسط في رزقه عليه ان شاء الله مايبخل عليك

والله يرزقك بابن حلال تقي نقي يعوضك... والله كريم