يالمشرفه سالتس بالله ماتشوتين موضوعي.. خليه ع الاقل يومين..
اخواتي كيفكم..
بختصر لاني من الجوال اكتب..
اخواتي ياحبي لكم..
انا عندي مشكله ومحتاره..
اخواتي انا بنت مو متزوجه ولامتوظفه..
عسى ربي يرزقني زوج صالح عاجل غير اجل.. من جد اعاني من فراغ عاطفي كبير جدا.. عمري 29 الله كريم.
الموهم انا عندي شهاده بكالوريس وماتوظفت.. وحافز انقطع عني لاني عديت سنه.. الله كريم..
اخواتي انا ابوي موجود وكبير بالعمر بالثمانين وفيه سكر وضغط وقلب .. انا اللي اقوم بااعلاجاته وابره السكر . وتعرفون ابر السكر لازم من الصباح ياخذها..
صح عندي اختي اصغر مني بالبيت بس الوالد من ناحيه الابر والعلاج يعتمد علي بعد الله..يثق اكثر فيني. قولو ماشاء الله..
مشكلتي احتاج فلوس واذا طلبت ابوي يعصب ويزززززززززززعل ويشتكي لاخواني .. رغم ان لو احد من اخواني طلبه عطاه اكثثثثثثثثثثثثثر واكثر واخواني متوظفين ماشاء الله.. وحالتهم حلوه الماديه.. مو حسد لا...
السالفه ابوي يتضايق لو طلبناه.. . مثال لو طلبته ميه ريال يمكن يزعل... ولو احد من اخواني طلبه الف عطاه من دون تردد..
اخواتي انا حاااااااولت بكل الطرق.. الا طريق ربي.. انا بلتجى لربي ووكله امري.. اخواتي كلما طلبت ابوي لازم يصير هواش ونقاش..
اخواتي ابي اشحن جوالي ابي اقوم بنفسي..
انا اطلبه ميه متين شي بسيط وابوي مقتدر ولله الحمد.. ومع ذلك يعصب علي..
اخواتي انا يوم شفت الوضع كذا قررت اني ابد ماااطلبه علشان مايزعل علي.. اخاف من ربي..
المهم بعد قراري اني مااطلبه ابد.. فكرت اتوظف اي وظيفه علشان اقوم بنفسي..... المشكله لو تو ظفت من اللي بيقوم في ابوي.. وتعرفون دوام المدارس من سته اطلع من البيت... وابوي الابره ياخذها الساعه تسع وسكره هالاشهر مو مضمووون مرات يوصل لاربعين تخيلو واقوم اسعفه... وحبوبه فوق 15 حبه.. يعني صعبه اعطيع الابره من بدري..
صعبه اعطيه الابره بدري.
سكره مو مضمون.. واختي اللي اصغر مني ابوي مومعتمد عليها بسالفه السكر ابد ويرتاح لي اكثر من ناحيه علاج السكر..
اخواتي انا مابي اترك ابوووي والخبط سكره... وبنفس الوقت ابي فلوس عشان اقوم بنفسي ولااطلب ابوي ويزعل..
انا في حييييره مرررررا..
اخواتي احيان اقول لو تركت الفلوس عشان اقوم بخدمه ابوي يمكن ربي يعوضني.... وبنفس الوقت يااخوات انا بنت واحتاج الفلوس.. لاتقولون اطلبي اخوانتس او احد يكلم ابوتس.. مااقدر ابد.. كل الابواب متسكره بوجهي الا باب ربي..
اخواتي ابي اسمع كلامكم ابي اللي بخاطركم.. انا محتااااجه لربي ثم لكم. انا بفتره اعاني منها واعاني من فراغ عاااطفي كبيير جدا. خصوصا ابوي يقط علي كلام وانا اللي اقوم بخدمته.. وانقهر لما يعطي غيري مو حسد لا بس ليه احنا البنات دورنا مهمش بالبيت.. والله ياخواتي احنا البنات مضلومات.. اه بس..
انا الحمدلله دايم اذكر ربي.وادعي واستغفر يعني ملتزمه ولله الحمد....
اخواتي اراسلكم وانا ابكي.. والله دموعي بعيوني... من جد خاطري اتزووووووج وارتااااااح.. ع الاقل زوج يقولي كلام حلو.. والله خاطري اتزوج وارتاح... ومابي اثقل ع ابوي بطلباتي.. وانا اذا طلبت اطلب ميه وان كثرت 500 ريال. وغيري والله ابوي يدورهم عشان يعطيهم..ليه عشاني انا بنت وهو اولاد. وهم متوظفين . الاسلام امر بالعدل.. وانا تاركه وظيفتي لوجه الله عشان اخدم ابوي وبالاخير يتضايق اذا طلبته...
اخواتي انا محتاااجه لربي ثم لكم. ابي كلامكم... ولاتقولون لي اطلبيه بوقت رايق او خلي احد. او امتس لالا تكفون غير هالكلام قولوا لي..
احيان اقول خلاص ماراح اطلب الا ربي وبس..
الله يجزاكم خير..
ونسيت اقولكم صرت اعصب ومااتحمل اي كلام يجرح.. ابد خاصه من ابوي.. ياخوات هذا شي غصب عني.. انصحوني..
وبسالفه الوظيفه تنصحوني اقوم بخدمه ابوي والا ادور وظيفه... اخواتي يوم قررت اني مااطلب ابوي جاتني هالفكره حقت الوظيفه.. قلت يمكن الشيطان مايبني اخدم ابوي وقال دوري لتس وظيفه...
وماانكر اني يوم قررت مااطلب ابوي عشان ماازعله جاتني راحه ماشاء الله...بس يجي شي يقولي انتي محتاجه للمال..
اخواتي بدعيلكم بصلاه اللليل انصحوني..
الله يجزاكم خير..

لمسه دفى @lmsh_df
محررة فضية
يلزم عليك تسجيل الدخول أولًا لكتابة تعليق.

حآسة فيك
بس وش أقولك / آتركي أبوك وتوظفي ! يآترى إنتي بيرتاح قلبك كذا ؟
آنتي راحتك الأكثر مع أبوك وخدمته وآضح من كلامك بس نقص المادة مأثر عليك شوي
بس على قولتك هو يعطيك صحيح لازم يتكدر خاطرك شوي عشآن تاخذين طلبك ! بس أريح من تأنيب الضمير اللي بتحسين فيه لو توظفتي وتركتي حاجة أبوك لك وإنتي عارفه انه معتمد عليك ..
آلله يفرج همك وييسر أمرك ويريح بالك ويفتحها عليك من وآسع أبوابه
بس وش أقولك / آتركي أبوك وتوظفي ! يآترى إنتي بيرتاح قلبك كذا ؟
آنتي راحتك الأكثر مع أبوك وخدمته وآضح من كلامك بس نقص المادة مأثر عليك شوي
بس على قولتك هو يعطيك صحيح لازم يتكدر خاطرك شوي عشآن تاخذين طلبك ! بس أريح من تأنيب الضمير اللي بتحسين فيه لو توظفتي وتركتي حاجة أبوك لك وإنتي عارفه انه معتمد عليك ..
آلله يفرج همك وييسر أمرك ويريح بالك ويفتحها عليك من وآسع أبوابه

ابوك طبعا احق
طيب وش رايك تكلمين أطيب واحد من اخوانك ويصير هو ياخذ لك من عنده
او دوري وظيفه مسائيه
ادعي لي ان اللهويرزقني الزوج الصالح عاجلا غير آجلا ويبرد حرتي
طيب وش رايك تكلمين أطيب واحد من اخوانك ويصير هو ياخذ لك من عنده
او دوري وظيفه مسائيه
ادعي لي ان اللهويرزقني الزوج الصالح عاجلا غير آجلا ويبرد حرتي

زي ما قالت ( ودي أصير عريسه )
دوري وظيفه مسائيه
ولا علمي أختك زين على علاج ابوك و خليها تنتبه و تصير عندك اذا بغيتي تعطينه العلاج عشان تعرف لما تحصلين وظيفه
كذا ولا كذا لازم أختك تعرف ، اذا تزوجتي وش بتسوين ؟ بتجين الصبح لبيت اهلك تعطينه العلاج !
الله يفرج همك و يرزقك الزوج الصالح عاجلاًً غير اجل
تكفين يالغاليه ادعي لي باللي موجود بتوقيعي : (
دوري وظيفه مسائيه
ولا علمي أختك زين على علاج ابوك و خليها تنتبه و تصير عندك اذا بغيتي تعطينه العلاج عشان تعرف لما تحصلين وظيفه
كذا ولا كذا لازم أختك تعرف ، اذا تزوجتي وش بتسوين ؟ بتجين الصبح لبيت اهلك تعطينه العلاج !
الله يفرج همك و يرزقك الزوج الصالح عاجلاًً غير اجل
تكفين يالغاليه ادعي لي باللي موجود بتوقيعي : (
الصفحة الأخيرة
أما الفلوس وأمور الدنيا تراها ما تسوى
أمام صحة أبوك ولو توظفت وصار فيه شئ بسبب إهمال العلاج ماراح تسامحين نفسك أبد
وتذكري مهما سويت وبريت بأبوك تظلين مقصرة
الوالدين ما احد يلحق جزاهم
والله يرزقك بره
(وبالوالدين إحسانا)