الله يعينك شكلك مرتبك خليك طبيعيه

سووي .. شوربه .. وسمبووسه .. ومكرونه .. واذا قدرتي لقيمات .. والعصير

والحمدلله والشكر نعمه ..

الحلى والسمبوسه لفيها من اللحين أنا مره كان عندي ضيوف للفطور عجنت عجينة الفطائر ودخلتها الثلاجة والعصر فردتها على طول والسلطه على المغرب احسن والعصير من اللحين

ايه والله ياخواااتي انا عروووووس توني من كم شهر متزوجه ولوحدي محد بيساعدني
بس الله يجزااااااااااكم الجنه اااااااااااااااامين
بس فكرة اختي اني اسوي العجينه حقت المعجنات الحين
مدري هي تصير عاديه والا بعدين يقولون الضيوف مدري وشبها عجينتك
اقووووووول ممكن وحده منكن تجي بالبيت وتساااااعدني
والله اني متلخبطه حيل
حااااااااالتي حااااااااااااله ياناااااااااااس
انا الحين بالمطبخ واسوي في السمبوسه
والعصير
والمهلبيه لان فيه بعض الناس يحبونها
والسلطه مدري شكلي بسويها الحين
لان مافيه وقققققققت

سلطة البقول تنفع تسوينها الحين بس لا تحطين الملح والليمون الا قبل التقديم ..

علبه من ( الذره / حمص حب / فاصوليا حمراء / خياره / مكرونه مسلوقه "الحجم الصغير حق السلطات" )

عليها ملعقة مايونيز و4 ملاعق زبادي .. مااسويها بالعزايم الا يخلصونها ، كثير يحبونها ..



الفطور سهل كله حلويات ومعجنات وشوربه وعصاير ومويه ..










اما اذا بيتعشون ، ممكن تسوين ..

صينية شاورما ، الطبقه الاولى شاورما سويها عادي .. والطبقه الثانيه بطاطس مقلي والوجه غطيه بـ ( قشطه جبنه كاسات مايونيز)

والبطاطس عشان ماتحوسين بالقلي ، جيبي الجاهز اللي مقطع وحطيه بصينيه تيفال بس خليه حبه حبه وهو بالصينيه يعني مو فوق بعض ،

وشغلي الفرن يطلع مقلي ومقرمش ..






سوي ادام هندي مره لذيذ واذا سويته بالعزايم يخلص بالعافيه عليهم ..

كشنه عاديه(بصل وطماطم وصلصه ) وزنجبيل اخضر اللي هو الرطب ابشريه وحطي قليل وكاري وماجي وكركو وهيل كلها مطحونه

خليها تتسبك صح وكثري الكشنه .. بعدين قطعي دجاجه كامله الى ثمان اجزاء واخلطيها بعلبة زبادي .. وخليها على جنب لين تتسبك الكشنه

بعدين حطي الدجاج وفلفل حار وقصري النار عشان يستوي بدون حاجه لمويه ،، وقبل يخلص بربع ساعه اضيفي فنجال او فنجال ونص مويه يعني لا تكثرين ..




وسوي مكرونه بالبشمل ..

والله يعينك يارب ..