من جد ليه الحزن وليه الضعف .... قدر ربي وصار وتطلقنا الحمدلله ع كل حال مكتوب لنا اننا نتطلق ومكتوب لنا هذا الابتلاء .والله اني انقهر من نظرة الناس وهمهم كيف يراقبوني .. حزينه فرحانه نحفانه متينه .. واضح مقهورة واضح فرحاااانه .او نظرات العطف والرحمه .. ..اعوذ بالله ما اروح مكان والي فيه يعرفون اني مطلقه الا والنظرات المعبرة فيها لييييييه ليييييه ..
الحمدلله صح تطلقت وفقدت الزوج .. بس الحمدلله صحتي تمام ولساني لازال ينطق ويسبح ويستفغر ولازلت استطيع اسجد لله فهذي بالنسبه لي اهم شيء بالحياه ..
.. صح ما ننكر الوجع والكسر الي فينا يقتلنا بس مارح يقوينا ويكفكف دموعنا الا انفسنا .. صحتنا اهم وحياتنا اهم والله لا الزوج ولا الاخ ولا الاهل ولا احد بالدنيا يقدر يسعدنا اذا ما صنعنا السعادة لانفسنا احنا ... لازم نعيش الحياه لازم بحلوها بمرها لازم الايام تمشي هي هي .. انا عانيت مع اهلي قبل الزواج وعانيت بحياتي وانا متزوجه واعاني اللحين وانا مطلقه .. بس واثقه ان ربي له حكمه بالشيء هذا .. لازم نصنع السعادة لانفسنا بانفسنا لان الزمن هذا نفسي نفسي ...
والله اني انسااانه حساسه ومن داخلي وجععععع والم وحزززن وقهررر بس احاول اخبي لان من جد تزوجت وانا ماكنت اتخيل نفسي ارجع لبيت اهلي لان اهلي شوي متشددين .. والي جربت الحياة الزوجيه بكل مافيها وفجاة تفقدها والله صعبه بس بالاول والاخير الحمدلله ع كل حال ..
اسال الله ان الله يعوضني ويعوض كل محرومه بنت او مطلقه بالعاجل القريب ويفرح قلوبنا ..
الحمدلله رجعت اكمل الماجستير وباذن الله اخلصها واتخرج .ورح ادخل دورة حاسب الي امشي وقتي فيها لا اكثرر . ويارب تتيسر حياتي وتنفتح لي ابواب رزق ..وانا واثقه بربي العوض قريب ..الله يقول { انا عند حسن ظن العبد بي .. تفائلو بالخير تجدوه ..

ماشاء الله عليك الله يعوظك بالافظل عيش جياتك وكملي دراستك مافي رجل يستاهل دموعنا وحزننا
انا مثلك تطلقت بعد سنتين زواج بس كان معاي طفل رضيع لكن الحمدلله ماكسرني الطلاق كنت قويه
ولا اثر الطلاق عليه كملت دراستي وتوظفت وجالسة اربي ولدي وعايشة حياتي ولا افكر بالزواج حاليا

مشاءالله انتي مثلي برغم طلاقي ومرضي اللي لقيته بعد الزواج وليس بعد الطلاق
الا اني حمدت ربي وبكمل دراستي قريبا الحمدلله نفس قصتي ماقدرت اكمل ونا صغيرة ولا لي سند بهاادنيا من يومي صغيرة لك قررت اتعمد على الله ثم نفسي
اكمل واصبر واكافح لنفسي ولا اجلس حزينة انفر الناس مني
وصلت لدرجة اكره اي انسان سلبي كثير ضفتهم بهالمنتدى وكنا نخفف على بعض الا ان البعض سلبيات وتنفر اللي حولهاا


معليش طولت بس عجبني موضوعك ومس احساسي ولقيت احد مثلي الف شكر حبيبتي


ومعوضه وكل انسان صبر وتعب وتالم خير يارب

قبلة على رأسك احب النساء الشجاعات


والنجاح الحقيقي هو عدم الاستمرار والاستستلام للفشل
فقد تكون هذه العقبة بوابة لفتوحات ربانية جمَّة

يالله يرفع قدرك