اليوم جاتني حالة غريبة .. أتمنى تفسروها لي

مبروك ياقلبي قرب الشفاء والله فرحت لك هذا ياقلبي العارض أثرت فيه الرقيه وهو الي يتحرك وعلى فكره مع الرقيه يصغر حجمه والنبض بعد منه ومادامه بالرجل قرب خروجه الاانه مكانه اصلا فيها عشانه هومسببلك العرج و****لله ياقلبي اول ماتتشافين رح ترجعين احسن من اول لان هذا كله بسببه واحذرك تتهاونين مادامك بديتي لانك بتهاونك تعطينه مجال يقوى انتبهي ترى الفرج قرب باذن الله وبالنسبه للدمامل هذي بسبب الحسد اذا كبيره بحجم الحمص وقاسيه بالنسبه للي يجهضون اكيد متمركز بالرحم بعين اوسحر اوحسد وهوالي يسببالاجهاض كيف مادري بس لهم اساليبهم على فكره كتشجيع لك انا صرت احس بحركته بعد شهرين او اكثر من الرقيه احس شي صغير يمشي بجسمي ويمر بوجهي على اذاني طالع نازل الحمدلله
سبحان الله مع الرقيه يصغر حجمه وينكمش المفروض بعد العلامات ذي تتشجعين اكثر لاتخلينه يحبطك لاتقطعي الرقيه حتى وقت الدوره اسمعيها على الاقل
****لله عن قريب تبشرينا بشفاءك ياااااارب

وعليكم السلام ورحمة الله وبركاته

وكل عام وانت بصحه وسلامه

بجاوبك عل اللي اعرفه واللي مريت فيه شخصيا

وانصحك تفتحي ملف في منتدى للرقيه الشرعيه يتابعك راقي ويجاوبك على اسئلتك او اقلها يعرف وضعك والعلاج اللي يناسبك
لانهم متمكنين وفاهمين الاعراض واللي يناسبها من العلاجات

بالنسبه للالم في الساق انا احسه في عظمة الساق من الامام في وسط الساق بالضبط ويشتد في اوقات مو دائما

والحين الالم متمركز في بطن قدم رجلي اليسار وسار الم بحراره احسها تحت الجلد كانها حرق
يعني الام متنقله وكثير ناس يحسونها فهذا الشي معناه استمري في الرقيه ولا تهتمي لسبب الالم ولا معناه

والم اسفل الظهر الشيخ عبد الله الخليفه فسره بان هذي المنطقه بوابة المرض الروحي

وعلاجها شوفي موضوعه وبتستفيدي باذن الله

نصيحتى استمري في تحصين نفسك كل يوم
واذا بدئتي علاج لا تقطعيه حتى ايام الدوره تحصني وادهني بالزيت توضي ولو ما عليك صلاه
اقرئي المعوذات واية الكرسي قوى جسمك ولا تخلي اي فرصه تضعفي فيها شغلي القرآن وانت نايمه
وسورة البقره شغليها كل يوم

واقرئي الرقيه على نفسك او اسمعيها حتى لو ما عليك صلاه ترى يجوز المهم ما تصلي ولا تمسكي المصحف وانا جلست شهور متردده بس لما سرت اهتم وقت الدوره شفت الخير والعافيه الحمد لله

واللي شفتيه من هز لرجلك هذا اما عشان تخافي وتوقفي العلاج
او تاثر ودليل لضعف العارض وشدي على نفسك شوي وبترتاحي ان شاء الله

شفت موضوعك اللي في الرابط
حبيبتي روحي منتدى الخليفه او العوفي وافتحي ملف وراح يشخصون حالتك ويتابعونك
واللي بيحمسك ان كل يوم او متى ما حبيتي واستجد شي تروحي تكتبيه لهم ويجاوبونك ويوجهونك ويصبرونك بكلامهم اللي ينزل على قلبك بلسم

وقولي لامك انك بتبدين بالرقيه وهي بتساعدك اذا كسلتي بتشد عليك لان الكسل والتفكير السلبي والحزن من العارض يبي يتعبك وتيأسين من الحياه والعلاج

كل احلامك والاعراض اللي فيك دليل مرض روحي مليون في الميه مرضك علاجه في الرقيه وقربك من الله ودعاك لنفسك بانه يشفيك ويعينك

والوحده منا متى ما كانت متوكله على الله ومتحصنه به باذن الله ما تصيبها لا عين ولا سحر ولا مس الا شي الله كاتبه لها وصدقيني بيكون وقتها باب خير لها يا تتقرب من الله بسبب مرضها او تاخذ اجر عظيم لصبرها

لا تاجلي الرقيه ابدا اي تاخير بيزيد حالتك سوء وبيطول علاجك
ابدي وربك ييسر لك ولا تضيعي وقت اكثر من اللي راح
واتخيلي نفسك لما ترجعي احسن من قبل قوي ايمانك بالله هو الشافي المعافي
وما من داء الا وله دواء << وخصوصا وقت النوم فكري بايجابيه واتخيلي اللي نفسك فيه وتتمنيه كانه حقيقه
لا تفكري بالماضي اتعوذي من الشيطان اذا جاتك افكار غبيه اقرئي سورة الناس او اية الكرسي وشوفي كيف تتغير نفسيتك في لحضتها

وبس طولت بالحكي بس يارب قدرت افيدك بشي من الق لق :hahaha:

ودعواتك يا سكر