اخواتي الغاليات : بارك الله فيكن جميعا على المرور والردود الجميلة ويعطيكم العافية
اختي سوسن : احنا والحمد لله ما عنا المجوهرات ... قلنا نتسلى بالصندوق ههههه
يعني مثل اللي اشترى الفرس قبل ما ييجي الفارس

ثانيا : الطريقة :-
1- قصيت قطعة ايتامين طولها 90 سم ، وعرضها 10 سم .
2- تركت 2سم على طرفها الايمن ومثلهم على طرفها الايسر ومثلهم من اعلى ومن اسفل ( لزوم البرواز )
3- طرزت على الشريط الشكل اللي ظهر بالصور والبترون اللي استخدمته موجود في الصور التي نزلتها مرة في ردي على احدى الاخوات كانت تسأل عن بترونات لتطريز ثوب.
4- هيك انتهى الشريط الذي سيمثل الجوانب .
5- قصيت قطعةايتامين ثانية ابعادها 20 سم بالطول و20 سم بالعرض.
6- نفس الشي تركت 2 سم من كل طرف وطرزت نفس الشكل.
7- انتهت هيك قطعة الغطاء.
8- حملتها لمشغل البراويز اللي بتعامل معه واخترت لون الخشب المناسب.
9- التركيب والخشب من تصميم المشغل ، يعني هو بيوضعها بهالشكل وبيعمل لها برواز خشب وبيحط بداخلها زجاج ومخمل ناشف في الاسفل ومرآة على الغطاء من الداخل .
10- كمان هو بيعمل الغطاء وبيحط اكسسوارات مثل يدين للصندوق وكمان اكسسوار للفتح
وبس انتهى وسلامتكم وانا جاهزة لاي استفسار واتمنى اكون افدتكم ووضحت ما عندي
طبعا في مثله احجام كبيرة ومنها ما يسمى صندوق العروس ومنها ايضا صناديق لحفظ القران الكريم

تسلم الأيادي على العمل المتقن
وشرح الطريقة واضحة

arab-rose


اختي سوسن : احنا والحمد لله ما عنا المجوهرات ... قلنا نتسلى بالصندوق ههههه
يعني مثل اللي اشترى الفرس قبل ما ييجي الفارس

شغلك اغلى من مجوهرات الدنيا وايديكي بتلتف بحرير

الله يسلم هالايدين يا قمر
والحلو كمان انك تلاقي مشغل يعمل لك العلبة والبرواز
يا ريت تدليني وين ممكت الاقي هيك محل