حسبنا الله ونعم الوكيل

لاحول ولا قوة الا بالله الله يعينك أختي ويصبرك
والله بعد الوالد مافي حاولي تتجنبيه والحقران يقطع المصران
الله يرزقك الزوج الصالح عاجلا غيرآجل

أغلب الأخوااااااااان كذا معاملتهم لأخوااااتهم سيئه بس مو لهدرجه...يتدخلو وحتى وأنتي تطالعي التي في وقناة أسلاميه كمان أش هذا!!
ياحليلك بس؟؟ تشتكين لأخوك من أخوك معرووووف كلهم يد وحده ورأيهم واااااحد وأنا كنت كذا وزهقوني بالذات بعد وفاة أبوي الله يرحمه الكل يبي يسوي فيها ولي علي وليتهم بالأول يكونو أولياء ع أنفسهم ويلتزمو ببعض الأشياء ((يأمرون الناس وينسون أنفسهم)) لاكن الحين وقفتهم عند حدهم ولاأعبر ولاواحد منهم وطنااااااش ولي براسي أسويه وماعلي مدام أمي راضيه وسارو مايتدخلون فيني مثل قبل وكل هذا بسبب فضل ربنا ثم أمي الغااااليه والله لولاها ماعرفت كيف أعيش بين كذا أخوااان أنا أعرف الأخوان المفروض يكونو عزوه وسند لاكن أنا أحس الأخوان أحيان نقمه مو نعمه...
مع ذلك أخواني نعمه عند بعض الأخوان إللي أشوفهم كيف يعاملو أخواتهم!! الله يعينك مثل حالنا مالنا إلا الصبر والدعاء بأن ربنا يرزقنا أزواج صالحين يسعدونا ويريحونا عاجلا غيرأجل..

الله يفرجها عليك وعلى كل مهمومه .. ويرزقك بالزوج الصالح وكل العازبات يارب
اللي يعوضك عن كل شئ.. الدنيا تبي لها الصبر وثقي أن الله راح يجبر بخاطرك
بس كرري يا جبار من الذي يجبر كسري وأنت للقلوب جبار ..
واحتسبي الأجر عند الله ..

لا يرفعون ضغطتس ها الهمج وتذكري ان دمعتس اغلى من كل احد ولا عاد تردين عليه ولا تكلمينه عشان تفتكين من المشاكل .صيري زيي انا يا ما شفت منهم ضرب وظلم واهانه وامهم اللي هي مرت ابوي دايم تشيشهم علي ولا ارتحت ولا سلمت الا يوم صرت الوقت اللي يكونون خواني فالبيت اجلس في غرفتي ولا اطلع منها لين يطسون ..سوي مثلي جمعت لي كم قرش وشريت تلفزيون ورسيفر وحطيته بغرفتي وصرت 24 ساعه فيها وكنت اقوم كل ليله اصلي وادعي في سجودي (اللهم اكفنيهم بما شئت وكيفما شئت اللهم اكفني شرهم واذاهم ) والحمد الله افتكيت منهم ..وحسسيهم انتس زعلانه يعني هالايام لا تطيحين الميانه معهم وتجلسين تسولفين لا اذا طلبو شي سويه وانتي ساكته وغير كذا لا تسولفين معهم ...اه اه اه ذكرتيني باللذي مضى يا ظلع ..الله يرزقتس الزوج الصالح عاجلا غير اجل انه على كل شيء قدير..بس انتي ادعي بالحاح والله ما راح يخيبتس