اليوم رحت لأسواق المجد وقارنت لكم بينه وبين سنتر بوينت

مساء الخير
اخباركم يا كروشات
في البدايه اعتذر من خواتي الي يحبون المواضيع الموثقة بالصور كان ودي اني صورت لكم الشغلات الي لقيتها لكن الوضع كان شوي مكهرب مع :arb:وخفت اطلع الجوال واصور فيكسره على راسي
وطبعاً تبون تعرفون ليش هو معصب !
طبعاً البركة في بنتي ام 4 سنوات ...والله من يوم دخلنا ما سكتت طلب ورا طلب ..فشار...ايس كريم ....شوكولاته...لعبة ...فستان
وهو ما يدري يلحق علي والا على بنتي
المهم دوختكم بالسيناريو المعتاد عندنا
انا قاعدة اخذ فكرة عن الاسعار بالنسبة لمفرش النفاس والبيبي والشغلات هاذي
رحت لسنتربوينت حلو لكن اسعارهم غالية
لكن المجد لقيت شغلات رايقة وحلوة مرة
سعر الاطقم الفخمة الشتويه ( سرير صغير للبيبي ومفرش للبيبي ومدس ولفة داخلية وخارجية وشنطة ولبس للرضاعة )190 ريال بس والله يابنات قليلة فيه
ولو بكاسر بينزل لكن كان شتوي وانا ابي صيفي صراحة قمة الفخامة وفيه اشكال مرة ناعمة نفس القطع 150 ريال ومفرش الام الا شكال الناعمة ( بحكم اني ادور ناعم ) 150 ريال
وفيه اطقم كاملة بس ما سعرتها
وطقم المدس البشت بس 60 ريال
والي تتسال ليش ما اشتريت ؟ لان نزلتي هذي قاعدة اجهز لمناسبة في الاجاز ة الجاية وانا لسى في الخامس ان شاء الله اذا دخلت السابع جهزت
فقررت اني اشتري من عندهم وان شاء الرحمن راح انزل لكم الصور
حبيت افيد خواتي الثقيلات الي ما عاد لهم في الفرفرة في الاسواق او الي مثلي عندها بنيه مزعجة وزوج ما يحب الازعاج
احبكم في الله