استغفرالله

ما عندي علم يالغلا الله يوفقك وييسر أمرك ويجزيك خير على نيتك الطيبه

فرحتيني لما قلتي انهم عندهم زحمه وسرى الله يجزي هالناس خيرا ويبارك فيهم ولهم

ياعزيزتي هدي أعصابك انتبهي الغضب لا يخليك تاخذي وزر بدل ماكنتي تسعين للأجر بارك الله فيك

وهل انت تعرفين كل ماهو بشرع الله فيما يخص كفالة اليتيم ؟

يالغاليه اليتيم تراه انسان له حقوق مو مسأله بس مين يبغى اجر ياخذه واهم شي انهم مايمنعوا الناس من كفالتهم بايت حال
اذا ولدك طنشتيه ما اكلتيه زين لان مافي حالك فهذا انت راح تحاسبين عليه
لكن لما يكون يتيم من الدار هذا مو بس انت راح تحاسبين عليه لانك خنتي الامانه حتى المسؤولين بالدار بيحاسبون لانهم ما اعطوهم ناس ثقه قادرين يتحملون مسؤوليتهم
اذا يوم فرقتي بدون قصد بين عيال بطنك شوفي كيف يحز بخاطرهم رغم انهم واثقين انهم كلهم عيالك
ويمكن يضل هالشي بقلوبهم ويصير حقد
لو كان واحد منهم من هذولا الايتام وش يجي بخاطره ؟!

اذا بنتك ما أمرتيها بالصلاة وقومتيها من نومها تصلي وتحنين ( حنيه قاصره ) عليها وتخليها تكمل نومها هنا راح تحاسبين عليها
بينما لو كانت يتيمه مو بس انت راح تتحاسبين حتى الدار اللي ضيعت الأمانه وضيعت على هؤلاء الأيتام دينهم الذي هو عصمة أمرهم

إذا الأسره ماهي مستقره اجتماعيا واقتصاديا وحتى لو كانوا طيبين كذا هما يضيعون مستقبل اليتيم وسوف يسألون

فلا تلومينهم ياعزيزتي على شروطهم الواقعيه

صحيح ما نعرف هل هذا الشرط اكيد لكل الدور ولا لا
لكن الكلام بسطحيه عن الشروط والتهاون فيها علشان بس حنا نبغى اجر وهما بكيفهم وكاننا نقول انا ومابعدي الطوفان
الشروط هذي ما وضعت الا علشان تكفل حقوقهم هم قبل مايوزعوا الأجور على الخلق
هم ينظرون للأمهات والأسر الموجودين على أرض الواقع وأنت تتكلمين بافتراضيه ان كل الأسر قادره على تحمل هذه المسؤوليه الكبيره فقط متى ماهفت نفسها على الأجر أخذت اليتيم !
يكفيك نظره على واقع الأبناء الآن وحقوقهم الضائعه والسبب الأعظم عدم الشعور يمسؤوليتهم العظيمه
مسؤوليه لا تقتصر على شؤون الدنيا فقط بل تتجاوزها إلى يوم السؤال عن الرعيه

ولو ماكانت مسؤوليتهم كبيره ماكان كفلاؤهم بهذه الدرجه العاليه في الجنه ( أنا وكافل اليتيم كهاتين في الجنه وأشار بالسبابة والوسطى )

اعرف وحده عطوها بنت لانها ماتجيب عيااال
وكل فتره يزوروونها ويتاكدون من وضعها في الاسره .. لو لاحظوا اي ملاحظه ممكن ياخذونها باي وقت
تقدرين تكفلين يتيم عن طريق جمعية انسان باستقطاع مبلغ مالي كل شهر وانتي تختارين الطفل
يعطونك صور .. وممكن مبلغ تدفعينه لهم ماره وحده وتكفلينها مدى الحياة اللي يعيشها مااعرف المبلغ كم ؟
وممكن الطفل يكون داخل السعوديه وممكن يكون خارجها
وهذا الموقع الرسمي لهم
http://www.ensan.org.sa/home/

يابنت الحلال أنا قدمت على جمعية الوداد الخيرية
بجدة ورحبو فيني وشروطهم ميسرة ولله الحمد
وأنا عندي 4 أطفال كبار أكبرهم جامعيات وأصغرهم ثانوي
بس المانع الوحيد اني ساكنة خارج المنطقة الغربية
وهذا الرابط حقهم
http://alwedad.org/

المهم من كم شهر قدمت على مكتب الاشراف الي بتبوك
والحمدلله قبلوني وكملت اوراقي عندهم وأنتظر منهم رد في اي وقت
على كلامهما على حسب المتوفر تقول ممكن بعد كم شهر نكلمك وممكن بعد السنة

وعلى فكرة من قبل 10 سنين كلمت على الاشراف النسائي الي في الرياض
ونفس الكلام الي قالوه لك قالوه لي وانه عندك أطفال والأولوية للي ماعندهم
قلت لها يابنت الحلال الله يرزقهم ويرزقني ويكتب لنا الأجر
كلنا نبذل الأسباب ونبتغي الأجر
قالت النظام مايسمح
الله يسامحها تصرفني
هي موظفة المفروض تمشي على النظام والقوانين
وتخلي المختصات يقومو بدورهم من ناحية صلاحية المتقدمين
لإحتضان الأيتام
مو تصرف من راسها وعلى كيفها.....