اللي تحب زوجها صدق تتحمل ظروفه مهما كانت والحب ما ينقلب كره
صحيح يحق للشخص أن يطور حياته للأحسن بس هذا مو أسلوب
الكلمه الحلوه والمعامله الطيبه والأقناع بهدوء يأتي بنتيجه
مو المعياره صدقيني يزيد عناد وحتى لو في باله يتقدم راح يعاندها
والرجال بصفه عامه ما يحبون زوجاتهم يقارنوهم بحد ثاني
مثلنا يا الحريم يعني لو زوجي يقارني بوحده بأمووووووووووت قهر
لكن تفهمه بهدوء وتبعد عن المقارنه والمعياره أهم شي وتذكر حسناته و تزود عليها حبتين
يعني تقولوا له أنت مافيه مثلك أبدا والحمدلله ربي عطاني زوج مثلك وعمرك ما قصرت عليه>>>> حتى لوكان مقصررررررر مرررررررره
بس ياليت لو تشوف لك وظيفه ثانيه ترفع من مستوانا
وتذكره مثلا أذاكان فيه أقساط أو ديون أن الوظيفه بتساعدهم
وبعدين أذا جت الوظيفه وتحسن الحال تطلبه لكن بأسلوب حلو
والزوجه الذكيه هي اللي تقدر تقنع زوجها بكل سهووووووووله وتلينه ولو كان حجر

راح ارد على الجميع
اولا ما تفكر بالانفصال نهائيا
وزوجها يقدر يعمل يعني مو قد حاله وهذا الي كتبه له ربه قد يكون ربي كتب له اكثر من كذا لكن لم يسعى ولم يجاهد يعني كسسسسسسسول جدا في طلب الرزق وهي تحاول معه يمكن كل يوم وبكذا طريقة
ومن وجهة نظري ان الحياة مو زوج وبيت فقط الحياة فيها ناس واهل وجماعة ومجمالات وهدايا واطفال ينظرون للغير
غيركذا ليست معها شهادة حتى تعمل وتفكر في كذا

المشكلة هي 00000في الزوج الكسول الي ما يفكر في الزوجة والاولاد سبل كسب الرزق كثيرة
هذا الشي الي خلاها تكرهه بسببه
وعذرا على التاخير في الرد نحن الموظفات ما نصدق بالاربعا والخميس كلها خرجة وفسحة

ودمتم

عزيزتي الفارعة رحمت صديقتك وانا مالومها ابدا
بس في حاجتين اطلبي من صديقتك تسويها
اولا
الاستغفاااار
خليها دايم تستغفر
وفيه دليل مايحضرني من القران يدل على ان الاستغفااار يوسسسسسسع الرزق
ياليت اي وحده من الاخوات تكون عارفته تذكره

ثانيا

قال رسول الله صلى الله عليه وآله وسلم:
> >> >>عشرة تمنع عشرة
سورة الفاتحة .........تمنع غضب الله
سورة يس.........تمنع عطش يوم القيامة
سورة الواقعة .......... تمنع الفقر
سورة الدخان ........ تمنع أهوال يوم القيامة
سورة الملك ....... تمنع عذاب القبر
سورة الكوثر ..........تمنع الخصومة
سورة الكافرون ....... تمنع الكفر عند الموت
سورة الإخلاص ...........تمنع النفاق
سورة الفلق تمنع .......... الحسد
سورة الناس .......... تمنع الوسواس


خليها تردد سورة الواقعه
وذكريها فيه حديث ايضا لرسل الله يطالب عباده انهم دائما ينظرون للي اقل منهم خليها تفكر فيهم عشان تحسس نفسها انها في نعمه

وربي يقول وان شكرتم لأزيدنكم

وبخصوص زوجها خليها تدعي ربي انه يرجع محبته في قلبها ودائما تردد ((ربي اجعلني قرة عين لزوجي واجعله قرة عين لي))

والله يفرج همها وهم كل مسلم يارب

السلام عليكم ورحمة الله وبركاته.
بلغي تحياتي لصديقتك وخبريها انها لما كانت قنوعه وراضيه بزوجها عاشت معه عشر سنوات سعيدة به ومحبه له ثم الشيطان حريص على تفكيك هذي السعادة فبدا يصور لها ان فلانه لابسه وكاشخه اكثر منك وتنظر لك على انك فقيره معدمه .مع ان الفقير المعدم هو من لايملك الرضا والقناعه يااخيتي ايعقل ان تكرهي زوجك لمجرد انه ليس غني .اعيدي ذاكرتك للوراء وتذكري ليش كنت مقتنعة فيه والآن سخطتيه؟؟بس عشان اللي حواليك يلبسون ماركات ويجددون اثاث البيت.وش دراك عن الأجواء إللي داخل بيتهم لربما انهم يجددون الأثاث بغية ان تتغير حياتهم للأفضل .ومادروا ان السعادة في النفس القنوعه .اسأل الله ان يهدي سركم ويبارك في رزقكم ويرزقنا وإياكم الرضا والقناعه وحسن السمع والطاعه.