سلام بنات
أقول لكم نبذه عن اهل زوجي :44:
طبعا اهل زوجي علاقتي فيهم مررره عدم
و 7 سنوات والله العظيم اني ماقصرت بأي شي معاااهم
يعني والله احاول قدر الامكان انوه يحبووني واصير ضيفه خفيفه عليهم واذا جيت لهم ادخل المطبخ بس يعطوني ظهوررهم واحس اني كأني مو موجوده اقول لهم تبون مساعده وزين بعد يلتفتون علي ويقولون لا ..احيانا يقولون لا من غير ماتلف الوحده براسها..
مع اني اجيب معاي العشاء احيانا واحيانا اجيب معاااي صحن حلويات او موالح من تصليحي مو من برا مثل بعض البنات
ومع هذا ماااالي مكانه عندهم... ابدا لو مهما حاولت
اذا زرتهم طلعوا من المجلس ولا وحده تجلس معاي ويقولون البيت بيتك ويطلعون
وش دعوه!! اطلع وراهم احيانا اروح اشوف اللي تجلس عالنت واللي تروح ترتب المستودع ضاقت!! يعني انا ما اجي كثير واااضح يغارون وآمنا بالله بس يبون يعني اني مثلا ما اكشخ او اترتب لما اروح يتضايقون مرررره اعوذ بالله
اما مسأله اني يعني اروح لهم مبهذله علشان يحبوووني .. نجوم السماء اقرب
بعد لو كنت مبهذله كانت تفشلوا مني.. لكن ما ادري وش يبون!!!
اذا لبست جديد ناظروني نظرات حقد وكره.. لدرجه برمضان اللي فات مره دخلت عندهم لابسه لبس جديد والله وحده من اخوات زوجي ماسلمت علي .....وحنا عالسفره نفطر قلت لها سلامات لا تكون فلانه زعلانه مني ولا شي.. طالعتني ام زوجي قالت ليش قلت وانا ابتسهم لا بس ماسلمت علي..
اذا لبست قالوا لي الهرم الهرم :09: وليش ماتروحين الهرم... لايكون الهرم مفتوح لي... من وانا صغيره لبسي ماركه.. الناس وصلت لسطح القمر وهم للحين يزعلون لما البس مااااركه :(
اذا جتهم مناااسبه والله مايقولون لي وماقد مره دقوا علي يكلموووني ...وزوجي يبيني دايما احضر احيان احضر عزايمهم علشانه هو .. لانه يزعل يقول ابي زوجتي اجتماعيه .. طيب كيف اجتمع معاهم وهم مايبووني.. واي شي تبي ام زوجي تدق على زوجي .. حتى لو تبي خدامتي تدق على زوجي تقول جيب الخدامه ابيها.. طيب وانا .. ليش يعني ماتكلمني انا يعني وتطلبها مني.. لدرجه لو كانت تبي حافضااتي حقة المناسبات تدق على زوجي تقول جيبها وهو رجال
!!!يجلس يدور عليها وياخذها معاه
يعني مررره مررره ماتبي يكون لي مملكتي بيتي خدامتي ماتبي زوجي يشتري لي شي
قد شفتوا زي هالحسد.. وبناتها مدلعتهم ومخققتهم مررره كل ماتشتهيه النفس موجود عندهم وتوفره لكن انتي يازوجة ولدهم ياااويلك لو يعرفون انك رايحه كوفي او مطعم ولو يشووفوونك صابغه او قاصه شعرك
واللي باااط كبدي حركه يسووونها فيني دااايما دااايما
وكتبت موضوعي علشانها
انوه لما يكون عندهم مناسبه زواج مستحيل يقولون لي الا قبل يومين بس
ووانا يالله انشب بعمري واروح اطامر بالاسواق ادور لي فستان وتعلن حاااله الطواااري وهم مفصلين فساتينهم ومروقين ومجهزين انفسهم قبل فتره
بتقولون لي كيف عرفتي اقول لكم انوه يطلبون من زوجي يوديهم محلات اقمشه واسواق وادري انوه فيه شي بس هم مخبينه عني ويسألهم زوجي وكل مره يقولون مافيه مناسبه بس نفصل كذا علشان لو كان فيه نكون جاهزين
والله رزقني بخياطه اعاملها ويعااملونها هم وصارت كل مايدقون عليها تدق علي
تقول ... مدام ام زوج انتي تخيط فستان .. اكيد فيه زواج..:( انتي سوي فستان
سبحان الله سخر لي اللي تنقل لي اخبارهم
واخو زوجي من شهر متملك وتدق علي الخياطه تقول يالله فصلي فستان قلت شكرا عالخبريه الحلوه.. عاد انا حامل والحين واااصله خلاص بنصف التاااسع..وماخيطت فستان وقلت لزوجي انوه الخياطه تقول انوه اهلك بيفصلون فساتين فيه زواج او لا.. قال لا اقولك عاائلي يعني ورجالي بعدين الناس قلت اكيد قال: اكيييد!! ويسأل امه قالت لا فصلنا كذا( كالعاده) تكذب :09: وانوه بس حبينا نكون جاهزين لو يصير زواج احد
طبعا واضحه وضوح الشمس بس انا صدقت اهله وصدقت زوجي وهويحلف لي بأنه مافيه حريم
وهو ياحرام ملعوب عليه مثلي مايدري عن حركاتهم.. :icon33:
قبل امس( الكارررثه) تتصل فيني ام زوجي ولاحظوا وربي ماقد دقت علي من سنه ونصف يعني قطااعه بقوه
قالت لي تعالي معانا الزواج راح يجون اخواتي وبناتي ووالعدد محدود لكن حبينا تجين معانا وبأجلس وحده من بناتي علشانك قلت لا شدعوه خليها تروح هي اولى مني بالزواج واصلا انا ماعندي ملابس ومااحد عطاني خبر من اول
قالت حتى حنااا ماعندنا ملابس راح نلبس من الدواليب :44: ليش النصب ياعالم ليييييييش
اوكي ملابسهم في الدواليب اجل وين بيحطونها يعني في السطووح !! كذب عيني عينك
كنت بقول لها والفساتين اللي فصلتها لكم الخياطه !! بس ماحبيت تكبر السالفه
قلت لها الف مبروك زواج ولدك والله يوفقه واسمحي لي ماقدر اجي مع السلامه
كنت بأنفجر واقول لها لين متى انتم كذا لين متىى ى ى ى ى ى ى ى !!! بالله مو قهر بنات
الحين زواجي حاااس بالحاله اللي انا فيها اتصل فيني من شوي يقول كيفكم!! كيفنا بعد قلت استانسوا وانبسطوا وبارك لأخوك وسلم لي عليه
:44:
انا صحيح قربت عالولاده.. بس المسأله مساله تقدير مو اخر شي تتصل فيني وتورطني كالعاده وانا مافيني حيل بعد اجلس افرفر وانا بكرشتي وحتى لو عندي فستان ماراح اروح لأن هالحاله زهقت منها مررره اخر وحده تدري بزواجاتهم انا.. بقدرة قاادر يدقون ويقولون الزواج بكره او بعد بكره :09:
توضيح لكم بناااااااااااااات:: زوجي يدري وانا ادري ان فيه زواج رجاااااال وبس
لكن مايدري هو والله ولا ادري انا الا قبل يومين انه فيه حرييييم
ام شوشو وميدو @am_shosho_omydo
محررة برونزية
هذا الموضوع مغلق.
الله يعينك
بعدين احمدي ربك بعذرك مكررررررشه ماتقدرين تروحين
لاتحطين في بالك يااااكثر حركات اهل الزوج والله اذا بدقق على كل شي بنجلط وماحد درى عني
خليك محترمه معهم ومالك ومال الزايد والناقص الزم ماعليكي بيتك حبوكي يامرحبا ماحبوكي مابيموتوكي
بعدين احمدي ربك بعذرك مكررررررشه ماتقدرين تروحين
لاتحطين في بالك يااااكثر حركات اهل الزوج والله اذا بدقق على كل شي بنجلط وماحد درى عني
خليك محترمه معهم ومالك ومال الزايد والناقص الزم ماعليكي بيتك حبوكي يامرحبا ماحبوكي مابيموتوكي
ياعمرري والله كانك تتكلمين عني
بس خوذيها مني انا من المواقف الي صارت لي بغيت اعالج نفسيا
بس الحمدالله الي يلجا لله مايضيع
وانتي شفتي حشيمتك لهم وصدودهم عنك بتجي مرة ولدهم هاذي اول الوقت بيطيرون فيها علشان يقهرونك
لكن انتي اصبري وشوفي مرة ولدهم بطلع عيونهم وبيتغيرون معك 180 درجه علشانهم عرفوقدرك
بس انتي اصبري والجأي لله وخففي من روحاتك لهم يعني اثقلي شوي
والله الكلام هاذا جاء عن تجربه
بس خوذيها مني انا من المواقف الي صارت لي بغيت اعالج نفسيا
بس الحمدالله الي يلجا لله مايضيع
وانتي شفتي حشيمتك لهم وصدودهم عنك بتجي مرة ولدهم هاذي اول الوقت بيطيرون فيها علشان يقهرونك
لكن انتي اصبري وشوفي مرة ولدهم بطلع عيونهم وبيتغيرون معك 180 درجه علشانهم عرفوقدرك
بس انتي اصبري والجأي لله وخففي من روحاتك لهم يعني اثقلي شوي
والله الكلام هاذا جاء عن تجربه
يووووه الله يعينك
بعدين ليش دام انهم يسوون فيك كذا ماتخلين زوجك يوديك السوق وتشترين
ذاك اللبس الي يفقع مرارتهم وتروحين
انا لو مكانك بسوي كذا البس شي ماكانو متوقعين اني البسه
مايمديني يعني لان الوقت ضيق في نظرهم
واروح
بعدين ليش دام انهم يسوون فيك كذا ماتخلين زوجك يوديك السوق وتشترين
ذاك اللبس الي يفقع مرارتهم وتروحين
انا لو مكانك بسوي كذا البس شي ماكانو متوقعين اني البسه
مايمديني يعني لان الوقت ضيق في نظرهم
واروح
الصفحة الأخيرة
شكلهم يغارون منك مرررررره