ليمار. :

اهلين اختي.... اذاهم كذا لاتزجينهم كل الي مايبونه لك خفيه عنهم ولاتيرين حساسه...

اهلين اختي.... اذاهم كذا لاتزجينهم كل الي مايبونه لك خفيه عنهم ولاتيرين حساسه...

ام سلمان وسوسو :

لا يمكنك مشاهدة هذا التعليق لانتهاكه شروط الاستخدام.

@الحمدلله@ :

والله ياقلبو أنتِ اللي جايبة النكد لعمرك ..! أول شيء ياحبيبتي أنتِ حامل وبنص الشهر التاسع ..يعني لو قايلين لك عالزواج قبله بسنه ماراح تقدري تحضري من تعب الحمل ..فليش منكده على حالك ..! ومخليه أبليس يسوي لك منها قصه ..وينكد عليك حياتك بشيء في كل حالاتك ماراح تقدرين تحضرين ..سواءآ عزموك أو لأ ..!!! الوحده مالها خلق في الشهر التاسع لبس ..وخياطه ..وروحه ورجعه عالسوق وكوافير ومشاغل ....! الا أذا صحتك فل ماشاء الله ومافرق معاك هذا الموضوع ....فهذا شيء ثاني .. الأمر الثاني ألتمس لأخاك سبعين عذرآ ..يمكن أهل البنت هم اللي مسوين عشاء الحريم فصعب هم يعزمون ....أو قالوا لهم نبغاها حفلة مختصرة فما حبوا يعزمون أحد ..! وبعدين ليش مهتمه لزواجهم هالقد ..وهم ماسألوا فيك ..وهذي ثاني مره على مااذكر سووا معاك نفس الحركة ..ياقلبو ماتعلمتى الدرس ..!!! حتى هم عرفوا قد أيش إنك فضولية لتتبع أخبارهم من الخياطة ..بالله كيف تبغيهم يحترمونك ..بعد ماعرفوا أنك تكلمي الخياطة من وراهم ..!! أكيد طحتي من عينهم ..!!! لاترمين حالك عالنــــــاس ترفعي شوي خلي لك قيمة ..يااختي ما إنخلقنا في الدنيا علشان زواج فلان وعلان ..وعلشان يعزموني ..والا ينادوني ..! اللي يبغاني حياه ..,واللي مايبغاني بسلامتـــــــــــــــــــه ..! خلاص أنتِ عارفة شو اللي مايحبوه فيك ..واللي يحبوه ..وأنا سبق ونصحتك في واحد من مواضيعك ..ولازلتي ماسكة نفس المنهج معاهم .. مصرة الا يحبونك بنفس طبايعك ..!! ماادري إذا سمعتي بقولة آنشتاين في تعريفه للحماقه ..( هي تكرار الفعل لمرتين مع توقع نتائج مختلفه ) ..!! وللأسف كلنا كنا حمقاوات ..! مرت سنوات بنكرر نفس الأفعال مع أهل أزواجنا ..وبنتوقع في كل مره يتغيروا !! طيب ليش مانجرب أسلوب جديد ..!! أكيد إننا بنخاف ..بنخاف يقولون تغيرت ..أثرنا عليها ..رضخت لرغباتنا ..ضعفت ..ماعندها كرامة ..نخاف يتعودوا على إننا نسايرهم في رغباتهم ويتسلطوا علينا ..صح أكيد أبليس بيقول لنا نفس الأفكار هذي ..!. ونخاف ونخاف ونخاف ..ويمشي العمر ومشاكلنا مع أهل الزوج سلسلة لاتنتهي ..,والسبب إننا نخاف نتغير ..! مستحيييييييييييل ياقلبي يتغيروا اهل زوجك معاك ..الا إذا تغيرتي .. إذا كان همك يحبونك ويحترمونك ..لازم تحترمي رغبتهم وتتغيري ..يحيث تتكيفين على طبايعهم ..بدون ماتتأثر شخصيتك .. الأمر الثاني بلاش تظهر إهتمامك الزايد للموضه والملابس ..والشغلات هذي ..قدامهم ...وسبق نبهتك لهذا الموضوع ..! ولو أهل زوجك موملاحظين هذا الموضوع ماكان قالت لك أم زوجك في المره الماضيه لاتفصلين فستان هذا زواج مايقرب لك ..!!يمكن هم عارفين طبعك .. كل أم زوج بالدنيا تتمنى تكون زوجة ولدها بنت ناس إتكتيت تعرف تلبس ..,وتظهر بمظهر لائق ..وتتشرف فيها قدام المجتمع ....ولو ماكنتي كذا والله ماكان خطبوك من أصله ..! بس بنفس الوقت ماتحب إن زوجة ولده تكون مع الخيل ياشقرا ..ماتسمع بمناسبة الا طيران عالسوق والا الخياطة ..وهاتيك ياملابس وفساتين ..! بيحسوها تافهه وماعندها قيم بالحياه الا اللبس والموضه ..! حتى ماعاد يحترموها ..! مانقولك صيري مبهذله ..وألبسي خلاقين ..بس خليك معاهم سمبل ..!! مومعقولة ياقلبو سبع سنوات ولسه تتوقعي إن مشاكلك معاهم بسبب اللبس والكشخه ..! صدقيني ياقلبو فيه شيء أكبر من كذا ..بس أنتِ مومنتبهه ..له ..! لاتقولي لي أنا أطبخ لهم ..وآخذ معاي ..حلويات وموالح ...لاياقلبو ..عمرك ماحتستعبديهم باللي أكلتيهم إياه ..! أكلتيهم ..حلو ومالح ..خليه لوجة الله ..( إنما نطعمكم لوجة الله لانريد منكم جزاءآ ولاشكورآ ) موعلشان تقولي في يوم ما أنا آخذ لهم حالي ومالح ..لاتتبعي أعمالك بالمن تفسدي أجرها ..!! لاتخلي عمل الأخره للدنيا ..! مسألة اللبس ياقلبو كل الأمة تلبس وماهو ذيك الإشكاليه ....لكن فيه مشكلة بينكم أكبر من كذا .. ..! راجعي حياتك ياقلبو ..وولاتقارنين ..لاتقولي أمي ..وزوجة أخوي ..أمك غير وأهلك غير وزوجة أخوك غير ...! أنتِ داخله على بيئة غير بيئة أهلك ..فمستحيل يكون اللي يناسب أمك يناسب أم زوجك ..! عيشي مع كل بيئه باللي يناسبهم ..علشان تكسبيهم ! لاتفرضي عليهم عاداتك ..ومبادئك ..وأفكارك ..وإهتماماتك ..هذي شيء خاص فيك .. عيشي معاهم باللي هم يحبوووووووووه ..علشان تكسبين حبهم .. طالما إن هذي هي رغبتك ..! أما إذا تقولي أنا مافرقت معاي ولاعلي منهم ..إذا توقعي منهم الكثير والكثير من التجاهل ..!!

والله ياقلبو أنتِ اللي جايبة النكد لعمرك ..! أول شيء ياحبيبتي أنتِ حامل وبنص الشهر التاسع ..يعني...