على هذا الرابط
ملف سفرات وعزايم وبوفيهات أطباق عالم حواء ابداع × ابداع
السلام عليكم أخواتي الغاليات ...
الحمد لله انتهيت من غسيل المواعين و هذي الصور بين ايديكم , حيــــــــاكم .....
اليوم زوجي عازم زملائه بالعمل على الفطور
وها فطوري المتواضع والله يتقبل منا ومن جميع المسلمين صالح الأعمال
أول ما أذن المغرب حطيت لهم القهوة مع الجبنيه والسيترول
وبعد الصلاة حطيت لهم الفطور عباره عن ( برياني الربيان + ثريد ( قرصان )+ جريش + أقماع + بيتزا + محار + سمبويه لحم + كور مكرونه + أفخاذ دجاج + خبز الدجاج المقلي + ورق عنب + سلطة خضراء + منافيخ الدونات + أيس كريم + شوربة كويكر + جلي مع طبقات المهلبيه + مهلبية + حلى المارس )
والعصاير فيمتو وتانج برتقال + ليمون + سوبيا )
وهذه صورة السفرة كاامله
وهذا برياني الربيان طعمه رهييييب
وهذه طريقته
الطريقة:
اول شي انقشر الربيان ونشيل الخيط الأسود وانقعه بعصير الليمون وبهارات .
بعدين نكون طابخين ماي ونحط فيه بهارات عدله (هيل-قرنفل(مسمار)+دارسين-فلفل أسود- ملعقه متوسطة بهارات مشكلة مطحونة).
ونحط الربيان ونخليه لما يستوي .
بعدها نسوي حمستنا وهي عبارة عن :
نحمس بصل صغار كمية كبيرة وبعد ما يذبل نحط معاه بهارات عدلة (هيل-دارسين-قرنفل-فلفل أسود)
وبعدها ما يتحمر نحط تندوري وبابريكا وثوم مدقوق وزنجبيل ونحمس بعدين نحط معجون الطماط ونحمس .
وبعد ما استوى الربيان نضيفه للحمسة
ونضيف بعدها كزبرة مفرومة.
طبعا نكون مسوين رز مشخول ونكون حاطين بموية الرز بهارات عدلة ( يعني رز نصف مستوي )
الحين نحط زبدة اشويه بالقدر ونخليه يصير حااااااااار وبعدين نحط طبقة رز
وفوقة اشوي من الحمسة وفوقة بصل شرايح مقليه وقطع زبدة ورشه من البقدونس
المفروم والنعناع>> سر النكهة
نرد نحط طبقة من الرز وفوقه حمسة الربيان والزبدة والبصل والبقدونس والنعناع.
طبعاً اخر شي يكون طبقة من الرز ونكون مجهزين الزعفران المنقع بماي الورد ونحطه فوق الرز مع قطع الزبدة ونخليه لما يتسكر .
بعدها نقلبه بحذر ويقدم بالطبق ويزين بالبقدونس وقطع الليمون واذا تحبون بعد الصنوبر المحمص
وهذا الثريد ( القرصان )
الرجااااااااااااااااااااء عدم الرد حتى اكتمال الموضوع
وهذه طريقته في هذا الرابط
http://forum.hawaaworld.com/showthread.php?t=1360353
وهذه الاقماع والبيتزا والمحار
وهذه عجينه الاقماع والبيتزا في هذا الرابط
http://forum.hawaaworld.com/showthread.php?t=1375021
وهذه عجينة المحار
2 كوب طحين + 2بيضه + ربع كوب زيت + 4 ملاعق حليب بودرة + ملح وسكر + كوب ماء دافئ وملعقة خميره
والحشوه حشوه دجاج مضاف عليها ملعقه جبن سائل وملعقة مايونيز
وهذه المقالي ( سمبوسة لحم و كور مكرونه وأفخاذ دجاج و خبز الدجاج المقلي )
وهذا الورق عنب
وهذه سلطه خضراء
وهنا الحلى
هذا حلى المارس طعمه رهييييب ويجنن
وهذه طريقه الحلى في هذا الرابط
http://forum.hawaaworld.com/showthread.php?t=1224205&page=85
وهذه منافيخ الدونات واللي جنبه ايس كريم والحمد لله عجبهم مررره
وهذه طريقه المنافيخ الدونات
1 بطاطس مسلوقه ومقطعه +فانيلا + نصف بيالة زيت + 3 ملاعق حليب بودره + نصف كوب ماء + ملعقة سكر + بيضة وتخلط جميعهم بالخلاط ...
ثم يوضع في وعاء 2 كوب طحين وملعقه باكنج بودر وملعقه خميره ويصب عليها الخليط ونعجن حتى تصبح عجينه متماسكه وتترك حتى تخمر وتكور وتقلى ويوضع عليها سكر بودرة
وهذه طريقة الايس كريم في هذا الرابط
http://forum.hawaaworld.com/showthread.php?t=1342434
وهذا الكاستر
وهذ ا الجلي مع المهلبية ( طبقات )
وهذه العصائر ( فيمتو + تانج برتقال + ليمون + سوبيا)
وان شاء الله يعجبكم