اليوم زوجي غسل وجهي بمرق

صباح الخير للجميع ..
حاسة اني مخنوقة وابغى افضفض لكم ..اليوم صار لي موقف تمنيت الارض تنشق وتبلعني اليوم الجمعة كلنا نكون متجمعين ببيت اهلي ..المهم كنت اتكلم مع امي اقولها باروح السبت الكلية ناقصني السجل الاكاديمي حقي وباجيب العيال الصبح لك ..طبعل انا متخرجه طبعا امي قالت اكيد جيبيهم ..وانا اضحك وانا اسولف معها ..اقولهايمه الله يعينك اذا توظفت بيجنونك ولا تدري لما يصير راتبي قوي باجيب شغالة عشان تعاونك عليهم ..ماشوف الا زوجي يتكلم قدام اخواني وزوج اختي وخواتي وزوجة اخوي وابوي وامي وحتى الصغار ..حلوة تجيبي شغالة وين قاعدة قلت له لا باجيب نيبالية ارخص وانا اضحك ...يعني امزح قال لي ليش قلت له تساعدني باكون مشغولة وباجي البيت ابي اتفرغ لك وللعيال واذا الله رزقنا نجيب سواق كل هذا وانا امزح ماشوفه الا يصارخ علي ويقول لي انا بعد بعاند وباركب راسي ولو تموتي مافيه وظيفة فيج خير اتوظفي مع انه مو معارض التوظيف ابدا ..الكل اتسمر وجلس يطالعه كيف وهو يصارخ علي اتمنيت الارض تنشق وتبلعني ..نظرات الشفقة والاستعطاف اشوفها في الكل من الحركة البايخة اللي صارت انا كل اللي سويته دخلت المطبخ ..وجلست ابكي من قلب وهو اخذ عمره وطلع من 4 ونص ماجاء الا وحدة الا بالليل ..ولاكلام ولاسلام مع اني اليوم مسخنه شوي ..والله ماني مقصرة وياه على فكرة احنا من 6 سنوات متزوجين وعندنا طفلين ..والله من بعد سنة من زواجنا بعت ذهبي له ..عشان الايجار ومكافئات الكلية ومصروفي الا من ابوي كل شي اعطيه وياه ..وعمره مامدحني ولاذكرني بخير ..مهتمة فيه وببيته وعياله اجواء رومانسية وقال هاذي فضاوة وتضييع وقت لبس يقول لي ذا مو لبس البسي اكمام وطويل حتى بالبيت ..والله حتى ريال ماخذ منه اوقات يرمي عليي 50 ريال مع انه راتبه زين بس عنده اقساط ومع هذا صابرة نفسي اشتري هدايا الى الناس اللي اعرفهم اللي والدة واللي متزوجة بس الشكوى لله ..حتى مقاضي البيت مقصر فيها ..لو جيت اعاتبه مع اني اختار الوقت والكلام المناسب على طول ينفجر فيي ويزعل كم يوم ويقلب الغلط عليي وانا ساكته مارد عليه ..كلامنا عن حاجات سخيفة جدا مابيننا حوار اصلا نفسي افتح قلبي له نفسي يحن علي ..نفسي يعاملني باسلوب عدل اقلها قدام الناس ..حتى زوج اختي يقول كلامك مبين انه مزح وحتى لو جد المفروض مايفشلني جدام الناس ...ربي معي ان شاء الله