اليوم عملت التلقيح الصناعي والحمد لله متفائلة لانو الدكتور عملها مظبوط صحيح متت خجل لكن الف الحمد لله
انا سوييتها مرتين قبل هالمرة عند دكتورات نسوان والله شغلهم شل وبل وحدة بالحبيب زينب بباي سعودية والتانية مي بني عراقية بمركز الذكير الطبي والله شغلهم مو تمام بس للهف الفلووووووس بس :icon33:
وانا دكتوري فهم حالتي ويقول رحمي مايل للخلف مشان هيك في صعوبة لوصول الحيوانات المنوية للرحم وهو بيوصل الحقنة للرحم تالمت قال هون الصعوبة لانو رحمي مايل وما شاء الله ضل لحتى تاكد انو الابرة وصلت للرحم مظبووط وحقنها ماشاء الله عليه
والله بتذكر الدكتورة زينب او مي بني قسما بالله اذا عملولي ياها ب5 دقايق منيح ولا 5 دقايق يلا يلا عالسريع وراحو يادوب :44::icon33:
والدكتور اخدت وقته وما شغل المكيف بالغرفة قال ما بصير مشان الحيوانات المنوية لازم على درجة حرارة الغرفة والله السستر <<الممرضة صارت تهوي بورقة من كتر ما شوبت
وبتذكر بالحبيب عند زينب انا ثلجت من برد ي ولا طفو المكيف بالله كيف بدها تنجح على هالاهمال :mad:
انا عم ساوي مقارنة يعني ووين دكتوري ووين الدكاترة اللي رحتهم من قبل
انصحكم بنات بعمركم ما تروحو عند دكاترة نسوان والله يا دكتور رجال او بلا
لانهم حمير حاشاكم
بعرف نحنا مسلمين والشغلة فيها حياء لكن الدين دين ييسر وباذن الله مستورين الحمد لله.... السستر لفتني بشراشف ولا بان شي غير المنطقة اللي بيشتغل فيها للامانة هو دكتور بيعرف الله وبيراعي ضميره ما شاء الله وبأدي عمله باكمل وجه على حسب الحالة وهو فهم حالتي وعمل اللي عليه مو شل وبل والسلام :mad:
هاي تجربتي واللي بدها رقم الدكتور او اسمه او مكانه انا حاضرة وان شاء الله ما راح ابخل على اي وحدة باي معلومة عن هالدكتور ومثل ما استفدت انا انتو تستفيدو يارب
المهم حاليا
بدي دعوااااااااتكم لي تنجح العملية انا متفائلة لانو نازلة عندي بويضتين قلت يمكن احمل بتوام يياارب
وتفائلت بزيادة بالدكتور يارب يا رحيم الله كريم وان شاء الله ربي يرزقني الذرية الصالحة
دعواتكم دعواتكم دعواتكم لي الله يعافيكم وجزاكم الله كل خير :)
mlook @mlook
محررة ماسية
يلزم عليك تسجيل الدخول أولًا لكتابة تعليق.
الله يرزقك ويرزقني ويرزق كل متأخره بالذريه الصالحه يارب العالمينالله يرزقك ويرزقني ويرزق كل متأخره بالذريه الصالحه يارب العالمين
الصفحة الأخيرة
ويفرح قلبك يارب