كيف طريقة كلام ولدك معاك بالبيت ؟ كيف يناضرك ؟ كيف يوصفلك المدرسة ؟ كم ترتيبه بين اخوانه ؟

رسليني ضروري

اب

الله يخليه لك لازم المدرسه تمسك ايده وتحاول انها تخليه يشارك مع زملاؤوه

نفس حااالتي بنتي
هي بأول ابتدائي
أنا عندها معلمة ثاانوي
ولاحظتها هاااديه و على الصااامت
ودايمااا انزل لمعلمتها تقوول هااادية و ما تتكلم بس شاالطرة و تفهم على طوول
و إذا طلبت من الفصل دفاترهن تتأخر لييين البنات يروح للمعلمه و يرجعن ثم تجيب دفترها
و إذا طلعن للساحه ما تطلع و لا تلعب مع أحد غرريب
لكن مع عيال عمومتها و إخوانها و بالبيت. عاااادي
فصاارت مع بنت عمتها اللي بثااني وقت الفسحه
و اللحين الحمد لله بدأت تندمج شوي مع البنات اللي بعمرها


و أتووقع كل هذا بسبب الحيااااء و الخجل الزائد

الدور الكبير على المعلمه إنها تخليه يسوولف و يندمج مع الطلاب
مثلا بنتي ما تسولف و لا تتكلم بالفصل بس مع محاولات المعلمع الله يجزاها صرت تسوولف مع المعلمه
و مثلا جربي تحفزينه بشي
مثلا بنتي عندها حفل الأمهات الاربعاء و مختارين أول بنشيد ويلبسوون زي موحد
وقلت إذا شااركتي بالنشيد وديتك الملاهي
و الله يعينك

وترا أنا عيااالي كلهم كذا عند الناااس
أول ما أدخل كل الشعب متمسك بعباااتي وإذا جلست يلصقووون بي
ولو يحصل لهم جلسوا كلهم بحضني



كله بسبب الخجل الزااائد


عسى الله يصلح عيالنا و يبارك بهم و ينفع بهم المسلمين
 

ياختي توه صغير ومن النوع يمكن اللي يبطي ماينسجم يبي له من يخششه جو الطلاب بطريقه غير مباشره

انتي اعطيه هدايا رمزيه ويوزع على الفصل وقولي للاستاذه تشاركه بطريقه غير مباشره بينسجم ويكسر حاجز الرهبه اللي فيه منهم

شكلج ولدج يستحي من تكوين علاقات جديده ومحتاج وقتج أنتي وجهدج

اسئلي اختصاصين أفضل لأنه خبرتنا هنا محدوده

بس بنتي كانت مثل ولدج أول ما دخلتها الروضة استمرت اسبوعين ماتتكلم من شدة الحياء

خصوصاً أني من النوع اللي مايخالط الناس

بس مع تشجيعها على اللعب مع البنات والمعلمات وكذلك قلت حق معلماتها يشجعونها باستمرار عشان تتكلم وتلعب

وبعد اسبوعين الحمد لله انطلقت باللعب والكلام والمشاركة

ويمكن أنتي دايم تمنعينه من الحركة بالبيت وتحدين من نشاطه الطبيعي كطفل

عطيه فرصة يكون علاقات جديده

مثال وديه البحر وخليه يلعب مع غيره من أطفال مايعرفهم وكثفي الطلعات

وكذلك المجمعات وأماكن الترفيه خليه ياخذ وقت كافي وكبير عشان يندمج معاهم

ولا تحددين له وقت ضيق وفي هذي الفترة راقبيه من بعيد لاتجلسين فوق راسه طول الوقت

بس قولي له اول مايروح أي مكان العب مع بقية الأطفال واسئلهم عن اسمائهم وفي اي صف يدرسون

شجعيه من البيت وفي الطريق ووأول ماتوصلين المكان.

وان شاء الله تتحسن حالته.

ملاحظة اسئلي ولدج وهو يلعب بالبيت عن اسماء زملاه بالصف ومن يحب ومن يكره حتى عن المعلمين

واسباب كرهه وحبه لهم، يمكن في أحد مضايقة بكلام أو تصرف، وهذا سبب عزلته

كثري من اللعب معاه عشان يتكلم بانطلاق وقت اللعب وقبل النوم لما ينسدح على السرير قولي له قصه قصيره واسئليه

كنت اسوي نفس الشيء مع بنتي اطلع كل همومها باليوم الدراسي والحين هي في صف ثاني ابتدائي

ومرتاحه منها ولله الحمد

وعقبال ولدج أن شاء الله