اليوم ضربني زوجي وسب ابوية الله يرحمه حاسة اني مجنونة اعصابي منهارة

ما كنت اتوقع في يوم اكون في دا الموقف
اليوم فعلا حسيت الاحساس المرير القاتل اللي تحسه الزوجة لما يضربها زوجها
لما اليد اللي تضمها تنزل ضرب وشد وخنق
لما اللسان اللي يقول احبك ييلعن ويسب
احساس يخليك تموتي الم وقهر
احساس اليتم فعلا
انه ابوي ميت ويلعنه
حسيتها خنجر في قلبي
ومني قادرة ابلعها او اعديها
اعرف انها اول مرة
واعرف انه خرج من طوره
واعرف انه مو عادته
لكني محرووووووقة
دموعي خلصت وجفت من كترها
بس ابغى مشورة
هل اروح لاهلي
ولا اقعد ببيتي
طيب كيف اخليها اول واخر مرة
هو قال انه حيجيب بكرة حكم يحكم بيننا
وطبعا اتاسف وقعد يبرر ووووو
لكني كارهته من كل قلبي
نفسي يمووووووووووووووووووووووووووووووووت
ومالي نية في الطلاق رغم اني قلتله طلقني
بس كيف اتصرف
اذا رحت لاهلي ما حينسوها ابدا طول عمرهم
خاصة لعنه لابوي الله يرحمه
ايش اسوي
شورو علي
كيف ابرد قلبي من غير ما اضر حياتي المستقبلية






يا حبايبي والله من قلبي زعلانة بس اهلي مسافرين ومافي احد اروحله
وهو يترجاني ما افضحه من وقت ما ضربني وانا زي المجنونة اخدت عبايتي وباخرج الشارع ومسكني ويقولي اهدي وانا اوديك فين ماتبغي
وانا زي اللي في النار ما باقدر اقعد في مكان
كل ما يوديني مكان اقوم اقوله ما ابغى اقعد دقيقة ابغى اخرج
وجيت لميت اغراضي واخدت جوالي واخد الجوال مني عشان ما يبغاني ادق على اخواني وهم بعيدين عني بس هو مرة يحبهم
صار يترجاني لا تفضحيني اهدي وغسلي وجهك وبكرة اجيب حكم بيننا
ويقولي خلينا نرجع للقران القران يقول نجيب حكم لا تخرجي اذا تبغي الطلاق كمان انا حاضر بس انتظري لبكرة
وانا اصرخ باعلى صوتي طلقني انا اكرهك ما ابغاك يا بخيل يا اناني ما ابغى اقعد في بيتك هو بيتك وعمره ماحيصير بيتي
وهو يمسكني ويهديني
والله يا اخواتي قد ما اوصف احس انه كان كابوس في لحظات بس صار الموقف
كنا نتناقش انا وهو في موضوع انه لما نسافر لاهلك ابغى اخد معايا عصيرات وبطاطسات وغيره وادخلها معايا
وهو يقول مو لازم ويتعذر
وبنتي الله يهديها كل شوية تقول ماما ماما
صرخت عليها وقلتلها انا باتكلم مع بابا روحي غرفتك
مارضيت قمت اخدت الحزام اهددها بالضرب
الا والاقيه جاي واخد الحزام ويقولي الله يلعن ابوكي
انا هنا فصلت قلت لاااااااااااااا تلعن ابوية ابوووووووووووووووووية لييييييييييييييييييييييش تلعن ابووووووووووووووية
وصرت اصرررررررررررخ راح حط يده على فمي يبغى يسكتني
قمت اقوله اتركني
بعدها ما ادري كيف صار الموضوع
صار يضربني ويقولي اسكتي وانا ازيد صراخ واقوله ليش تضربنيييييييييييييييييييييييي وهو يضربببببببببببببني ويسحبني في السيب
وطلع فوقي يقولي والله لا اخنقك وخنقني يقولي اموتك
وانا فرفرت تحته الين فلت منه
كيف صار كل دا وليش ما ادري
والله اني اليوم كان اسوا يوم بحياتي كلها
عندي 3 بنات الكبيرة بتانية ابتدائي
ولي 8 سنين زواج
وعمره في حياته ماسب اهلي ويحبهم جدا ويحترمهم ويحب امي واخواني اكتر من اهله
وطبعا عمره ماضربني
قلت التفاصيل لاني دحين روقت شوي بس راسي بينفجر من الالم
وعيني تحرقني