الله يتقبل منا ومنكم يارب رمضان
ولدي طفش من الشوربه والسمبوسه ( اساسا ياكلها غصب ) :44: واساسا مالها طعم في الغربه :(
وهو يحب النقتس مرره ودايم اسويها له لكن تطلع شوي ناشفه بالذات اذا نسيتها في الزيت :angry: ففكرت اسويها بطريقه غير عشان تكون لينه وطريه
والطريقه سهله مرره وبسيطه
في الخلاط هذا حطي
صدور الدجاج مقطعه الى مربعات +بصل + ثوم + كزبره + بقدونس + بهارات + ماجي مذوبه في شوي ماء حاار + شوي دقيق
هذي كلها في الخلاط وتشغليه حتى يصير ناعم وتختلط كل المقادير
بالنسبه للكميه انتي ورغبتك اذا عندك كميه كبيره دجاج حطي بصله وسط وحبتين ثوم والكزبره والبقدونس على
راحتك والماجي طبعا انتي تقدرينها يعني اذا تحسين الكميه كثيره لا تحطيها
بالنسبه لي حطيت صدرين دجاج ونص بصل صغير وحبه ثوم يعني فص مو حبه كامله :09: وشوي بقدونس وكزبره وربع حبة الماجي وبهارات وفلفل اسود وملعقه ونص دقيق
>>>>>>>>>>>اذا تبغينها تضبط معاك لا تكثرين بصصصصل لانه يخليها سائله وغير متماسكه <<<<<<<<<<
طبعا اذا ماعندك الخلاط جربي الفرامه العاديه او المفروم الجاهز
بس الجهاز هذا يخليها مره كويسه ومخلوطه زين
بعد ماتصير الخلطه جاهزه بللي يديك في مويه وشكليها على حسب رغبتك
طبعا يدك لازم تكون خفيفه لان الخلطه شوي خفيفه
وبعدها لفيها في دقيق وبرضه يدك تكون خفيفه عشان مايخرب الشكل
الحين نجيب حبه بيضه مع شوي حليب سائل
تغطسي الحبات فيها وتلفيها في البقسماط او فتات الخبز المطحون
وخلاص تقليها
طبعا انا قليت لولدي كم حبه والباقي دخلته الفريزر وبس يجمد احطه في كيس وارجعه الفريزر
الكلام كثير بس شغلها مره سهل وبسيط
الحين اخليكم مع الصور وان شاء الله تفهموا اكثر من الكلام
بسم الله ماشاء الله تفضلوااا
اتمنى تعجبكم ولاتحرموني دعائكم :(
تحياتي