جريش أحمر ..
المقادير والطريقة معا ..
نكشن البصل ونحمسه مع زيت لحد مايشقر
نضع عليه قطع اللحم الهبر أفضل
او الدجاج بدون عظم انتبهوااااااااااااا
( لاتصيرون مثلي طبخت الدجاج بالعظام
وتكسرت العظام وابتلشنا في وقت الاكل
طووول الوقت بس نطلع عظمة
خايفين لانغص بأي عظمة نبلعها بالغلط ) ..
المهم بعد وضع اللحم او الدجاج
المخليين من العظم .. نضعع عليهم
الطماطم المطحون ثم الصلصة ثم الملح
والبهارات المشكلة اهم شي وبرضو
اهم شي في الطبخات أعيد وأكرر الفلفل الاسود
ضروري بكون بكل الطبخات
هو سر النكهة في الأكل ..
بعد كذا نخليهم يتسبكون قليلا ثم نصب عليهم
موية تكون كثيرة شوي لأن الجريش يحتاج لماء كثير ..
المهم نخلي اللحم يغلي وبعدها نضيف الجريش المنقوع
( يجب ان ينقع الجريش فترة طويلة حوالي 6 ساعات او اكثر
عشان يكون طري وسهل الطبخ والاستواء بسرعة )
عشان يستوي الجريش بسررررعة
وماياخذ وقت طويل يعني بدال مايطبخ 3 ساعات
يكون ساعة ونص لأنه منقوع وطري في نفس الوقت :icon18:
لما يبدا الجريش ينشف ويكون فيه موية شبه قليلة
نوطي ع النار خفييييييييييف
ونخليه مثل ماقلت ساعة ونص
او اكثر على حسب الاستواء ..
بس اهم شي لايكون الجريش ناااشف ضروري
يكون لين وشبه سايل عشان يكون أطعم امممم ..
وبعدها نحرك الجريش ونغرفه بصحن ونجمل
الوجه بكشنة بصل مع صلصة وبهارات وبعدها نصب
الزبدة ع الوجة ..
وتلذذوا باطعم جريييش أحمر ذقتوه بحياتكم :D ..
بالهناء والعافية ع قلوبكم ..