اليوم كنت بسنترال بارك وخصوصا الدانوب واحترررررررق الموووول

بسم الله الرحمن الرحيم
كنا في سنتررال بارك جده الجديد ماله شهر من فتح
اول شي الحمد لله على سلامتنا وسلامة الجميع ممن كان في المول
اليوم زوجي قال يلا نروح الدانوب اللي بسنترال بارك وهو الهدف يعني احنى نبي الدانوب وبعدين في يوم ثاني نروح المحلات .....
المهم دخلنا انا وزوجي وعلى طول على الدانوب
رووووعه ما شاء الله الاواني جنان واالمكان مرتب واشياء غريبه وكبييييير ما شاء الله لفينا على المحل كله بعدين قصينا شربنا مويه واخذو عيالي حلاوه واكلوها على اساس اننا ندفع عند المحاسب بعدين ...الله يسامحنا ماحاسبنا فيها باقي باذن الله نرجع ونحاسبهم فيها
المهم كنت عند الجهزه الكهربائيه وهي قريبه تقريبا من مخرج الطوارئ ولفيت عند الاواني عيوني مبققه فاغره فيهامدري وش حولي الا وزوجي يجرني يقول يلا
وجهاز المناداه يقول الرجاء اخلاء الدانوب فورا والناس من حولي تجري
ما خفت الصراحه بس مشيت لقيت مخرج الطوارئ مزحوم شوي ومشينا بهدوء ولا فيه دف ولا زحمه ولا تدافع ولما خرجنا وصرنا بالمواقف كانت كلها دخان وريحه حريق
كنت احسب الحريق صغير ولا التماس لما طلعنا بالسياره من المواقف دخان يا سااااااتر والنار تشب من السقف

وما توقعت انه ينتشر بهاذي السرعه يالطيف. يارب :44:
وصورت بس ما طلع واضع صورت فيديو بس عيالي هوشه الله يصلحهم الا كان نزلت المقطع
وانا اللي شفته ان المول كان فاضي ورانا وما احد صار له شي والاشاعات عن تلاصابات والملاهي والكلام الفاضي كله كذب في كذب :mad: ما احب الاشاعات والله اعلم اذا احد صار له شي ولا لا واتمنى من كل قلبي انه ما يصير لاحد شي

والله اعلم اذا كان فيه احد مصاب ولا ادري عنه .....
واعذروووني على الاطاله والحمد لله على سلامتنا جمييييييع
يافرحه ما تمت :mad: انتظرت الدانوب هذا بالذات انتظار لكن الله ما كتب لي اقضي منه والحمد لله على كل حال