Ameera4 @ameera4

عضوة

اليوم مسحت عتبة بيت اللي حاطين عينهم علي من تزوجت

السلام عليكم
اليوم رحت بيت اللي حاسه انهم حاطين عينهم علي وان كانو مو بس هم لعدة اسباب اعرفها وهالعين اعرف انها مو منهم بس بل من كثير من العائله ولكن كان بصعوبه اني اقدر اجيب اثر منهم كلهم فحاولت ابغا امسح بيالة الشاي او كاسة المويا بس ماقدرت كانو موجودين بالمجلس ولما طلعت ،، طلعت وحده منهم معاي توصلني للباب لذلك اخترت اني امسح عتبة باب البيت بمنديل اول ما ادخل البيت وقلت من الله الشفاء والتعافي ان شاءالله وبقدرته يزيل مني ما اعاني منه ،ويارب يسخرلي زوجي وتتيسر اموري معاه ويزيل العائق اللي بسببه اعاني منه الان
😭
انا مسحت العتبه بمنديل ولما وصلت للبيت حطيت المنديل في طشت وصبيت عليه ماء ثم خليت الماء يركد شوي عشان تنزل الرواسب وان كان لايزال فيه من الرواسب بس الشكوى لله اخذت من الماي وصبيت منها على جسمي كتوفي وظهري وصدري واماكن العوره وخلف الركب والساق وغسلت وجهي وصبيت على راسي منه فهل اللي سويته صحيح ولا غلط ...
دعواتكم لي اخواتي الله يجزاكم خير 😭

يلزم عليك تسجيل الدخول أولًا لكتابة تعليق.

تسجيل دخول

رمز🌿 • 6 سنوات

وعليكم السلام ورحمة الله وبركاته
الله يشفيك ويعافيك
أنتِ اجتهدتِ وإن شاء الله ما يضرك
لكن عتبة الباب مو زين تاخذين منها شيء ، يمكن تضرك بالجراثيم اللي فيها أو يكون أصلا مرشوش عليها سحر ما ندري،
العتبة ما أظن فيها أثر ، لأنهم يمشون عليها بأحذيتهم ،
ومو شرط تاخذين أثر ،
أكثري من القراءة وتزول العين بإذن الله مع التحصن بالأذكار،
أنا بفضل الله بطلت أسحار أصابتني بالقراءة فقط والمحافظة على الأذكار ، بدون أن أجد السحر أو أفكه ، قوي يقينك بالله وثقي به وتوكلي عليه واحتسبي الأجر في الصبر ولا تيأسي

زائرة • 6 سنوات

شخصي حالتك اختي قبل كل شي من قال لك ان فبك عين اساسا ممكن حسد ممكن سحر
العين والحسد والسحر ممكن يكون من الجن مو شرط انس
اسمعي للشيخ خالد الحبشي باليوتيوب وشوفي الايات اللي تحسي انك تعبتي او صار خفقان واسمعي رقيته للسحر، و الدعاء وراح تعرفي اللي فيك من الاعراض.. السماع يكون بسماعات اذن ضروري وبمكان هادي..