السلام عليكم ورحمة الله وبركاته
حصل لي اليوم موقف مع زوجي الله يسخره لي ويحنن قلبه علي وكل من قالت آميييين
تأكدت وبصمت بالعشرة إن ما فيه رجل على وجه الأرض إلا ويحمل هالصفة إلا من رحم ربي وسار ع هدي المصطفى صلى الله عليه وسلم
وهالصفة هي
.
.
.
الأنانية وحب الذات
وحنا مساكين نعتقد إننا بالتسليم لطلباتهم ومراعاة أوضاعهم والوقوف معهم إننا ملكنا حبهم وخلاص راح نلقى نتيجة صبرنا وراح يعوضونا مستقبلاً
لكن الواقع شيء ثاني
تتوقعون العيب فيهم
أبداً العيب فينا حنا الحريم شوفوا الأسرية تعج بالمشاكل سواء غدر أو خيانة أو حتى زواج بأخرى أو طلاق
أمثله :
راعيت ظروفه ويوم صار معه فلوس تزوج علي وما اتحمل إني اشوفه بحضن غيري أبي الطلاق << بعذرك لك سنين تبرينه ومتنازله عن حقوقك تنتظرين منه تعويض وبالأخير راح لغيرك
زوجي مدمن أفلام إباحيه ويكلم بنات وأنا مو مقصره معه >> لأنه خلاص مل منك وأنتي بالنسبة له كتاب مفتوح وعرف الي عندك كله وإنه إذا أمك أعطست رح تعلمينه كم مره باليوم وأنصح كل وحده شافت من زوجها موضوع كذا ماتواجهه تكتفي بالدعاء وتثقل عليه لانه مب ولدك تربينه ع كيفك , الرجل عنده قانون يمشي عليه أفضل وسيله للدفاع الهجوم ورح يحط الغلط عليك ولاحظوا المواضيع الي تتكلم عن مثل هالمشكلات فأنتي سوي نفسك إنك عارف عنه شيء بس لاتواجهينه فيه ورح يحس ع دمه
زوجي غدر بي وأنا طالبه السوق يوم ركبت لقيت أهله قبلي >> أكيد عرف من كثر قرقك وشكواك وتصرفاتك إنك ما تحبين أهله والرجل أناني ما يحب مرته تطلع من البيت يبها بس له وعلشان يكرهها بالطلعه يجيب أهله
ادعولي زوجي طلقني ويقول كرهتك >> بعض الحريم تكرهك بنفسه من طريقة كلامه وحتى سواليفه وتكون نكدية وما تعرف تكسب قلوب الناس و24 ساعه تلاحقه وين رحت ومن وين جيت ومن كنت معه واتصالات وحاله تقولون ولدها , لو عندك أخت أو أم كذا اسألته كان تضايقتي منها لان أي شخص ما يحب المراقبه
وتكثر الأمثله ....
ورح أعلمكم السر إلي يقدر بعد الله سبحانه يخلينا نعيش مبسوطين ومرتاحين وأزواجنا تقدرنا
إلا وهو إنك تبادلين الرجل وتشاركينه هالصفه وتكونين أنانيه وتحبين نفسك
أكيد تقولون كيف؟
حبي نفسك دلعيها البسي أشتري سوي الي نفسك فيه لكن بشرط يكون في مرضاة الله وما تزعلين زوجك لاتجين وحده مدرعمه تفهم الموضوع خطأ وماتعطي زوجها كامل حقوقه شي واجب عليك لازم تأدينه وبنفس الوقت لاتتنازلين عن حقوقك
لا تقولين مسكين زوجي لازم أراعية وأوقف معه لأن الرجل بطبعه غدار إلا من رحم ربي << يعني ما نعمم ع كل الرجال
دايم يقولون إذا حبيتي نفسك غصب إلي حولك تحبك
خليك كالصندوق إلي يحاول الرجل فتحه
لا تلصقين فيه لصقة عنزروت
لا تسألينه عن روحاته وجياته وبنفس الوقت أطلبي منه يطلعكم بدون حن
خليه آخر اهتماماتك بالظاهر لكن الباطن الله أعلم فيه
لاتجيبين طاري أهله لا بخير ولا شر ولا حتى خواته والمشاكل الي بينكم حلوها بعيد عن زوجك
وبيت أهلك طلعتي منه أنسي كل شي حصل فيه ولا تقولين لزوجك خصوصيات اهلك
يعني وضحي لزوجك إنك لك عالمك الخاص الأنثوي والرجل يحب ويموت ع عالم الأنثى
وأهم شيء لا تقصرين بحقوقه الواجبه عليك << ولازم كل وحده تعرف حقوقها وواجباتها
وصدقيني بيصير يدورك دواره
بس اثقلي عليه ترى الثقل زين
أخيراً
موضوعي هذا تجارب شخصيه سواء مريت فيها أو وقفت عليها
ورجاء خاص إنه ما ينفهم من موضوعي هذا إني أحاول أخرب الزوجة ع زوجها
لا والله بس هذا حل لأغلب المشاكل ..
مايستفاد من الموضوع :
خليك أنانيه في طلب حقوقك ولاتتنازلين عنها
اتمنى وفقت في طرحي
وادعو لي اكون أنانيه :22:
.
:26:
أستاذه قلق @astathh_klk
محررة
يلزم عليك تسجيل الدخول أولًا لكتابة تعليق.
غيمه امل
•
صحححححححححححححح كلامك
والله انا اقرى لناعمه الهاشمي نفس كلامك بالضبط
تقول اطلبي منه خليه يصرف عليك لان الرجل اذا بطل يصرف بيفقد الشعور الذكوري عنده
وبيروح يدوره عند غيرك ، انفصلي عنه توضفي او انشغلي بحايتك الاجتماعيه
حبي نفسسسسك وبتشوفينه يحبك
والله انا اقرى لناعمه الهاشمي نفس كلامك بالضبط
تقول اطلبي منه خليه يصرف عليك لان الرجل اذا بطل يصرف بيفقد الشعور الذكوري عنده
وبيروح يدوره عند غيرك ، انفصلي عنه توضفي او انشغلي بحايتك الاجتماعيه
حبي نفسسسسك وبتشوفينه يحبك
لكل زوجه حبي نفسك اولا بعد محبة الله ورسوله اذا ماحبيتي نفسك ماحد راح يحبك من اللي حولك سواء زوج او غيره..
الصفحة الأخيرة
احد يمدح الزوج ويجبرنا على طاعته
واحد يسب ويقول لاتعطونه وجه واهتمي بنفسك
نسمع المشائخ ونقول اذا تزوجنا بنسوي ونفعل
واذا قرينا مواضيعكم قلنا يخسون ويعقبون
والله ماعاد ندري
يابناااااااااااااااات وشراااايكم < الآنسات فقط