اليوم وحده اشعلت الغيره بقلبي

السلام عليكم ورحمة الله وبركاته


خواتي اليوم رحت مجمع بالدمــام

وناقصتني اغراض دخلت محل الملابس الداخليه والحمدلله فيه نساء يبيعون

وماعندهم رجال والهيئه كانت تدور داخل المجمع جزاهم الله خير

الى هنا وتمام بس اللي قهرني كانت ناقصتني ماسكارا حقت رموش

ورحت محل اكسسوارات وشنط وداخل مره بالزاويه ركن المكياج

والمحل يشتغلون فيه 4 رجال وبركن المكياج بنت لحالها واقفه تبيع

كسرت خاطري مره، شكلها جديده من اسلوبها وصوتها ويدها ترتجف

ومرتبكه،واذا ماعرفت شي بالمكياج تسال واحد من الشباب بصراحه خفت عليها من التحرش

خاصتاً أنها حلوه وجسمها حلو بالعبايه والشباب كانوا قريبين

(انا ماكنت لحالي ، كنت مع زوجي وحمولتي وكانوا مشغولين بالاكسسوارات)

بصراحه حبيتها واعتبرتها مثل اختي في الدين وحسيت بغيره ونارتحرق قلبي عليها لأنها لحالها بين هالشباب واحس سهل جدآ صيدتها والتحرش فيها بما انها لحالها ..

ورجااء لاتجي وحده تقول محد قالها تشتغل بمحل فيه رجال ؟!؟
يمكن ظروفها صعبه واجبرتها على الشغل..

حسبي الله على اللي وافق على تأنيث المحلات يتحمل تبعات قراره امام الله يوم لاينفع مال ولا بنون
اللحين بعد ماعرفتوا السالفه اتمنى تعطوني رقم للهيئه او مركزالتحرش اتوقع لازم يكون عندنا
هالمركز من بعد هالاحتكاك الفضيع ..

بكتب الرقم بورقه وبروح اعطيها هذا اللي اقدر عليه ودعواتكم لها بأن الله يغنيها بالحلال عن الحرام وبفضله عمن سواه واللهم صل وسلم على نبينا محمد وعلى اله الطيبين....