الغاليه مثل ما قالولج الأخوات قبلي .. هالشي طبيعي جداااا ويحصل عند غالبيه الاطفال ..
وحتى الأكبر سنا .. وتبين الصراحه حتى انا الكبيره نفس الشي ..
يعني في ناس طبيعتهم جذه .. وبعدين كيف تبينه يختلط بالاطفال الباجيين وهو أول مره يشوفهم وما يعرفهم من قبل والمكان غريب عليه .. وانتوا مب وياه .. يعني كل شي غريب .. فطبيعي تكون رده فعله الخوف او الانطوائيه .. وهذا مب مرض ولا عقده ولا غيره .. هذا هو الرد الطبيعي لاي انسان طبيعي ..

حطي نفسج بمكانه ...
لو كنتي في بيتج انتي وأهلج ودخلوا عليكم ضيوف أول مره تشوفيهم ما بترمسين وياهم وبتتعرفين عليهم وبتسولفين انتي واهلج وياهم وبتضحكون وبيكون الوضع عادي عندج ..!

اوكي

لو كنتي في العياده تنتظري دورج وما عندج اي حد من أهلج .. يعني كنتي وحيده .. وكل وحده هناك ترمس مع اللي وياها او بروحها وساكته .. تتوقعين انج بتندمجين وياهم على طوول وبتسولفين عادي ..!! طبيعي بيكون هناك بعض التحفظات حتى لو تكلمتي معهم .. وبالعاده الانسان ما ايحب يتكلم مع اي شخص غريب خاصه اذا كان هالغريب بيشوفه للمره الاولى والاخيره .. يعني ما في احتمال انهم يتلاقون بعد هالمره ...

شكلي طولت عليج ...

ع العموم حبيت أقولج ربي يحفظ لج ولدج وبنتج ويبارك فيهم يا رب .. ويسعدج بحياتج ..

اختي بثينه الله يوفقك وفعلا وجهت نظرك صحيحه بس استغربت من ولدي لانه بالعاده جرئ مع اي شخص
واشكرك على الدعوة الحلوه وانت مثلي انشاء الله الله يسعدك يارب

انا ولدي كذا مايروح الا لعيال عمانه مره بالاسبوع وعمره سنتين و4شهور
وبديت اوديه الحديقة يوم ايه ويو لا بالاول يسوي مثل ولدك بس تعودي
بدا يسابق العيال ويلعب معهم وصار عادي
انتي لاتقلقين وحاولي تخلينه يختلط مع البزران

وتكلمي مع ابوه بخصوص المعامله بصراحه مو زينه معاملته

واذا على المدرسه ليت الحكومه تقبل احد قبل السابعه:09:
كان احسن للاطفال

اختي لمسة ملاك الله يوفقك ويخليلك ولدك انشاء الله واشكرك على عرض تجربتك والحمدلله تمكنتي الولد بسرعه ماشاء الله

انا بنتي عمرها سنتين وست شهور وبصراحه ما نطلع مكان الا لازم قلق وخوف تروح تبي تفلت

ولو تشوف اي رجال او حرمه ما شين بشارع على طول تروح عندهم وتمشي معهم وتسولف معهم

بصراحه تعبت الله يصلحهاااا كرهتني بطلعات والتمشيات :09: