اليوم ولدي كفخ المعلمة بالجزمة وبالآخر ....
السلام عليكم ورحمة الله وبركاته
انا سعودية و متغربه صار لي شهر بنيوزلندا وطبعا لاننا جينا على نهاية السنه عندهم فماكان في وقت ندخل عيالي مدارسهم فدخلناهم معهد لتعليم اللغة قلنا فرصة يتعلمون اللغة أكثر قبل فتحة المدارس بعد 3 شهور،مع ان ولدي يعرف ( E )لانه كان بالسعودية بمدرسة قوية من ناحية اللغة بس قلنا زيادة الخير خيرين طبعا ولدي عمرة 14 سنة ،والبنت عمرها 9 سنوات ،وكلهم بفصل واحد مع طلبة بعمرهمم من عمر 9 _17 سنة واغلب الطلبة صينيين والمعلمة كانت متسلطة على عيالي كانت تحاول تضحك الطلبه على حساب عيالي بضرب لكم مثال :مثلا تقول لهم انتم
تاكلون لحم الجمل ثمن يضحكون الطلبه وبوقت البريك يعيرون عيالي هههههه تاكلون لحم الجمل وكل اسبوع تخترع لها اختراع لاضحاك طلبتها الحقيرين الصينيين ومنها تقول لهم انتم أطفال ،انتم كسلانيين ،انتم نسائكم تلبس الحجاب ،او تكتب اسماء الطلبه جميعهم
على السبورة وامامهم علامة صح وولدي وبنتي تحط قدام اسمائهم خطأ بدون سبب
ومثل تقوم بتغيير اماكنهم بدون سبب هم فقط علشان تنرفزهم مع انهم هم مايجلسون بجمب بعض علشان مايتكلمون عربي، تحاول تجلسهم بجمب المرضي (اللي يعاطسون)بس عيالي مايرضون ،المهم مره من المرات ماكانت
مشتهية انهم يروحون للرحلة اللي هي للحديقة مع انه اول رحلة تاخذهم قالت لهم تبون تجلسون
بفصل ثاني او تجلسون بالفصل حقكم او ... المهم بالعربي مانتم رايحين الحديقة ساله ولدي ليش
قالت انتم تاخرتو 10 دقايق في وقت البريك وقسم بالله ولدي دق على جوالي بنفس اللحظة
وقالي كم الساعة كانت 11 و3 دقايق يعني تاخرو 3 دقايق والطلبه والمعلمة ماكانو جاهزين للرحلة يعني تقولين عطلهم لا كانو بالفصل الطلبه وهي كانت تسولف مع المعلمة الثانية وبعدين بيروحون رحلة مو درس المهم في كل مرة كان ولدي يدق علينا ويروح ابوه ويكلمهم والمعلمة كانت تنكر او تغير الكلام لصالحه طبعا وبالنهايه ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليوم قالت له المعلمة لولدي ...................... أنت بنت ؟؟؟؟؟؟؟؟؟؟؟؟؟؟
يقول ولدي قمت من كرسيي وقلت له أنا بنت ؟
قالت : يب يعني يس يعني نعم
قام ولدي وفصخ جزمته وضربها قدام الطلبه:hahaha: والكل منبهر وطلع وكلم على ابوه تعال بسرعة مع ان البيت قريب مرة من المعهد بس الأخ ماشبع يبي ياخذ حقه أكثر ،،،
يقول هذا الناقص بعد إن اسكتت لها الفصل كلهم بيقولون لي بنت
مع ان شكل ولدي عادي مرررررره ،،،
المهم انقلب المعهد راسا على عقب
جاء زوجي يشوف القصة نادو المعلمة وولدي طبعا كلهم يفحطون يصيحون ولدي والمعلمة ،،،،،،،،،
اشوى هل المره ماانكرت المعلمة فعلتها واعترفت، قاله زوجي ببلدنا لو واحد يقول لولد بنت نرفع علية قضية بالمحاكم ،قالت لا حنا عندنا عادي قال لا زوجي مب عادي بس وش خلاك
تقولين عنه كذا : قالت انه لابس شال ،،، ضحك زوجي قال وش فيه الشال : قالت حنا عندنا
اللي يلبس شال هو يتشبه بالبنات( ملاحظة مع ان الشال اللي لابسه ولدي هو اللي على شكل شماغ يعني شال رجالي مو بناتي ) ،،، قال زوجي حنا نشوف رجال عندكم يلبسون حلق (خماخم) بالاذن ومانقول لهم انتم بنات ،اسلوبك خطأ المهم في النهاية قالت لها المديرة انتي جاية تسوين مشاكل بتطيرين الطلبه من عندنا تأسفي منه
يقول ولدي حسيت اني ملك او أمير يوم جلست على ركبته وقالت لي: أيام سووووري (انا آسفة ) يقول ولدي الحين بردت سبدي بهل الكلبه هذا الناقص وحدة كافرة ماتسوى ظفري تقول لي انت بنت ؟؟؟؟
عاد سألت ولدي بتروح بكرة للمدرسة ؟
يقول ايه أجل وشوله كفخته الا علشان تتأدب وتترك المناقر وتخلينا ندرس الا بقعد على سبده ؟
هههههههههه(قصيمي)
بيني وبينكم انا هاوشته قلت له مب بهل الاسلوب تتعامل قال وش اسوي كل مره اشتكيها تنكر وطلعني كذاب وهذي مايبي لها الا نعله ؟
وبس هذا اول موقف يصير لي بهل الغربه
باااااااااااااااااااي معكم فريش برتقال
**************
فريش برتقال @frysh_brtkal
محررة برونزية
اليوم ولدي كفخ المعلمة بالجزمة وبالآخر ادخلو شوفو وش صاااااار (استوفى حقه من النقاش)
150
13K
هذا الموضوع مغلق.
ماشاء الله على ولدك يافرش برتقال سعودي اصلي مايرضى الاهانه الحمدلله انها انتهت على خير
الصفحة الأخيرة
انا مره مو مع هالاسلوب .. بس في ذي الحاله معااااااااااااااااااه وبقووووووووووووووووه خخخ
احسن والله زين سوا فيهاا .. أقلهاا بتعمل ح-ساب قبل لاتتمصخر عليه
عجبني رد زوجك
مووووووووووووووفقه