اليونااااااان (ضروري)

:(

هلا بيك أختي
أنا ماعندي أي خلفيّة ..
بس ماحبّيت أطلع من موضوعك من دون ماأرد عليك ..
عندي معلومات بسيطة عن :
سنغفورة و ماليزيا و فنزويللا ..
وبعض الدّول العربيّة ..
والسّـــلام ...
___________________________

هلا يا قلبي
انا رحت لليونان مرتين .... بس كنت اسكن بشقه بس ولو طلعنا لفنادق فيه مجموعهه فنادق اسمها الاستير مره حلووه عباره عن قرييه والفنادق مرقمه واحد منهم فندق مقلوب يكون اللبي زي العاده وتنزلين للغرف على تحت مو على فوق القريه كلها حلو

وفيه فندق انتر كونتننتال وفيه قراند بريطان بس الصراحه الاسعار ما اعرفها بالنسبه للاوتيلات بس عموما هي دوله مرررررررررره مرررررره رخيصه وملابسهم خياليه تجنن ورخيصه نفس مستوى اسواق لبنان بس ارخص بكثييييييير وعملتهم اسمها الدراخما ولغتهم الليونانيه بس الااقهم شينه شوي عصبيين ولا لبستي بس حجاب صرتي فرجه لهم نادر ما يشوفو يساح عرب

ايش كمان بالنسبه للاسواق هذا احلى سوق اسمه كيلي فاذا .. فيه كل شي مطاعم قهاوي ملابس يعني يبيلك اسبوع تخلصيه وفيه سوق نص البلد هذا تلقيين فيه تحف مو طبيعيه ورخص التراااب اسمه سندغما
وخصصو يوم تروحون فيه من الصباح لاعمده الاكروبولس يبيلكم كم ساعه وانتو تطلعون الجبل وتشوفون ناس من كل بقاع العالم وشوعور حلو لما توصلي لقمه الجبل وتوصلي للقلعه تشوفي كل اثينا من فووق
بس عموما زيها زي اي دوله اوروبيه مافيها غير اسواق وقهاوي وبحر والاسواق تسكر 8 الليل والشمس تغرب عندهم الساعه 9 الليل عندنا الا اذا ناوين تطلعون رحلات للجزر لان اليونان مشهوره بالجزر شي ثاني
عشان كذا احسن لكم خلي مكتب سياحي يرتبها لكم
بالنسبه لاجوائهم نفس سوريا ولبنان بالهار حر بس طبعا مو زي حرنا الخطير يعني بالثلاثينات والليل حلو برااد وهوا يعني اجواء البحر المتوسط

ما عندهم ملاهي خطير مره عاديه اسمها لونا بارك فيه محل شوي بعيد للسينما بس لا تروحين لانه مو مترجم عموما دوله رومنسيه في الليل تعجبني انا احسها رايقه بس شعبها ما يحب العرب

وفيه منتجع اسمه فوليا غمني على البحر فيه رياضات مائيه وحلو مررره وجبال كلها شجر الصنوبر يعني محل استرخااء
بالنسبه للجزر فيه جزيرده رودوس بس غاليه وفيه جزر كثير انا ما رحت لها صراحه وما حفضت اسمها في جزيره مافيها سيارات بس حمير ويمدحونها بنات خالي راحو لها

هذا اللي اذكره للحين اذا باقي شي اسئليني وانا حاضره

هلا اختي

انا رحت اليونان وخذنا كروس بالبحر لمده اسبوع كل يوم في جزيره هذا احلى مافيها والا اليونان بالنسبه لي وعععععععععععععععع مقرفه شعب وصخ ويكره العرب واوصخ دوله سافرت لها اليونان خصوصا اذا معك اطفال المجسمات القذره والصور حتى على عواميد اللمبات والاشارات معلقه يعني الدول الاوربيه انظف منها بالف مره خصوصا ان فيه محلات مخصصها لهالاشياء القذره بس اليونان بالشوارع وبكل مكان والشعب حاقد وينظر للمحجبات بنظره حقران اذا تبين اسواق روحي اوربا والا اقولك تايلند روعه واسواق حلوه ورخيصه

صح عليك هي ما تنفع لعايله معاهم اطفال لانها اكثر دوله منحله اخلاقيا وعندهم اباحيه بشكل مو طبيعي