أهلين أختي باونتي ...

كل ما قريت إسمك تذكرت أختي تحب الباونتي ...

بصراحة أنا ودي كل البنات يدرسون ما أحد يجلس بالبيت .. رسوم الدراسة بصراحة اللي يقدر عليها مهيب صعبة مره 2500 ريال بالترم ..

يعني بصراحة قيمة فستان والدراسة أهم من الفستان .. يا الله يا باونتي شدي حيلك وسجلي وخلينا صقيقات أنا وأنتي ونشوف بعض أن شاء الله بالجامعة أيام الإختبارات ..

وإذا عندك أي سؤال أسـألي هالحين معطيه نفسي بريك .. اليوم الأربعاء وبروح لأهلي ...

ماقصرتي ياعزيزتي سويتي اكثر من الواجب

بس الي محيرني مدري اذا اكيد فيه ترم صيفي لدوره او لا ودي اخلص وارتاح بس ماشفت بموقع الجامعه الا رد واحد يسأل وقالوا له اي فيه واغلب الي مشتركين ويردون طلاب العام وقبله انتساب بصراحه فعلا ضعت واحترت اهئء

والله يافانوس شكلس تصلحيلي واتوقع بتصيرين صقيقتي لاني احس تفكيرك نفس تفكيري من غير اني حبيتك ياعسل

هلا وغلا من هالحين أنا صقيقتك .. تسلمين أنتي اللي والله قشطة بس يبي لنا خبز ويصير بيننا خبز وقشطة وعسل ..

بالنسبة للدورة أنا متأكدة إنه فيه ... بس أنتي ما عليك إلا أنك تدخلين موقع الجامعة قسم الدورة التأهيلية وبعدين تسجلين بعدين تسددين الرسوم وتنتظرين لين ينزلون لك المواد ...

إذا كنتي مستعجلة وودك تذاكرين من هالحين سجلي أيضاَ بالمنتدى فيه مواضيع مثبته فيها الملازم .. إذا ما عندك إستعداد إنك تطبعينها فيه مكتبة أنا بصراحة ما أدري وش إسمها .. تبيع الملازم إشتريها وذاكري لين موعد الإختبار ..
هم عاد بيعلنون عنه وأتوقع أنه آخر شهر 7 .. ماني متأكدة

سبحان الله وبحمده سبحان الله العظيم