هلا اخت هناء:27:


هذا رابط ان شاء الله ينفعك


http://www.almotmaiz.net/club/por/




:24: :24: :24: :24:

السلام عليكم ورحمه الله وبركاته
انا عملت كم درس بالبور بويتت.كانت دروس رائعه جدا حضرت لي المديره والموجهه اعجبوا كثيرا بالدرس
في دروس عملت البور بوينت مجرد عرض شرئح
اما بقيه الدروس .جعلت الطالبات يتفاعلون مع الدرس
كنت اضع سؤال بالبور بوينت وتجيب الطالبه ثم تظهر الاجابه الصحيحه مع صوت تصفيق في البور بوينت

ترى البور بوينت سهل جدا..........مايبغي له شي
1) اختاري الشريحه واكتبي ماتريدين او الصقي صوره
2) اضغطي المفتاح الايمن للذي كتبتيه واختاري حركه مخصصه( اختاري تاثيرات- اختاري الحركه والصوت- ثم اختاري الترتيب والتوقيت ورتبي على حسب درسك)
3) ايضا اضغطي على الشريحه بالمفتاح الايمن واختاري خلفيه وضعي الخلفيه التي تريدين
4) اذا اردتي تنسيق الخط في الشريحه ظللي الخط واختاري تنسق ثم خط
5) ثم اختاري ادراج ثم شريحه جديده واعيدي الخطوات السابقه
ثم تكررين الخطوات السابقه تجدين عندك شرئح
تجدين عندك عرض رائع عند اختيارك اجراء العرض من قائمه عرض الشرائح
صدقيني هذا اهم الخطوات بالممارسه يصبح سهل

هلا بك ساره :27:


انا سويته بس اول مره استخدمه واحس راح يكون به بعض الاخطاء :(مثلا انا كتبت كل الدرس

ونزلت فيه الصور لان درسي عملي وكنت ناويه كل ما اشرح فقره واطبقها عملي مع

الطالبات بعدين اعرض البرنامج عن طريق البروجكتر والي هي عباره عن نقاط

ولكن ممكن يكون الدرس طويل ويملون الطالبات:06: او

راح يكون نقد علي:::cool: او تنتهي الحصه قبل ما اخلص:time:

تكفين ساره ساعديني بم انك استخدمتيه اكثر من مره:confused:

مرحبا
أنا دايما استخدم البوربوينت في الدروس

انصحج انج تستخدمينه في نقاط محدده
يعني لاتخلين كل الدرس عرض على البوربوينت
فمهما كان شيق وفيه صور ,,,, الطالبات راح يملون لو انه على طول الحصه

اهم شي اتذكري انج تستخدمينه عشان يسهل عليج الشرح ويوصل المعلومه
مو تستخدمينه بس عشان يقولون مستخدمه بوربوينت

ممكن تخلين بعض الشرايح كتهيئة حافزه في بداية الدرس وتكون فيها صور وحركات واصوات
وشرايح تحطين فيها الاشياء المهمه
وممكن تستخدمينها في النهاية كتقويم نهائي

ما ادري انت تدرسين اي ماده عشان نفيدج اكثر

وبعد لا تكثرين من الاصوات فتكون مزعجه
وحلو لو تسجلين صوت طالبة وتحطينه في البوربوينت
او تخلين الطالبات يقرأون منه

ولو تخلين وحده مثلا مدرسه او طالبة تجلس عند الكمبيوتر وتتحكم في العرض
لانج انت بتكونين مشغوله في الشرح ومثلا تكتبين على السبورة

وتاكدي من كل شي قبل الدرس
لانه احيانا تتفاجأنين ببعض الاعطال الفنية

وبالنسبة لاستخدام وسيلة ثانية
فحسب الدرس
اذا كان يحتاج وسائل ثانية
لكن اذا ما يحتاج والاشياء موجوده في العرض ليش تستخدمين وسايل ثانية

اتذكري دايما ان الوسائل التعليمية :::::: وسيلة لايصال المعلومه وليست غايه في حد ذاتها

ودرس موفق باذن الله :26:

شكرا لك يا اخت فراشه ترى والله فدتيني كثير

وعسى ربي يجزاك الجنه