الي استقالت من وظيفتها تدخل لو تكرمتوا

السلام عليكم ورحمة الله وبركاته عندي مجموعة من الاسئلة ارجو الاجابه عليها
1- ماذا كانت وظيفتك؟
2- حكوميه والا لا؟
3- تحسفتي - ندمتي بعد ما استقلتي ؟
4- هل كنتي متزوجه ولديك ابناء وهل اثرت الاستقاله على تعاملك معهم؟
5- هل تاثرتي اجتماعيا ؟ يعني الي حولك غيروا معاملتهم قل الاحترام زاد الاحترام احتقروك هزئوك .....الخ
6-هل قدرتي تتعودين على تغير الوضع المادي؟
اسباب الاسئله ودي اقدم استقالتي لاني ابغى اتفرغ لعيالي وبيتي وزوجي احس اني دايم اركض واقوم الصباح تعبانه ولا ودي اجيب شغاله علشان ماتاثر على عيالي والا الراحه زينه
واخاف ارمي عليها احمل واستمتع بالحياة واستغني عن دوري كام
ظروف عمل زوجي غايب عن البيت وقت طويل ومايقدر يشيل جزء كبير من الحمل ودي اشيل معه بس خايفه من الزمن طلاق وفاة واكثر شئ خايفه من اهلي بينصدمون حلم حياتهم بنتهم تصير دكتورة وانا ما ودي ادرس واصير دكتورة واخسر عيالي وش الفايده اذا مت ولفوني في قماش ابيض الا عيالي يقولون ربي ارحمهما كما ربياني صغيرا والا ورقه مرميه في الملفات يشيلونها ويكبونها في الزباله
اخاف استقيل واستسلم للنوم والكسل والله مدر ي لي كم سنه وانا افكر
بالاصح من اشتغلت وانا افكر في الموضوع لا احد يقول تقاعد مبكر لان عيالي بيصيرون كبروا وهدفي الي بجلس علشانه راح شوروا علي الموضوع مره مأزمني مدري وش اسوي