الي اشترت فستان سهرة مشتغل بالفصوص والكريستالات من الانستقرام تتفضل

لا مستحيل اللي نشوفه بفيديو العرض نفسه اللي يسووونه بالانستقرام ... وكثير حريم طلبو على نفس الموديل والقماش بس لما وصلهم طلع القماش غير ونوعه رديء وغالي . يعني غش بغش

حاجة تحير
جزاكم الله خير

مادري عن ابو فصوص
بس انا مرتين انصدم بخامه
مره من موقع على النت مشهور وكل اللي شريتهم ولا يشترى بريال
ومره من الاستقرام شيفون رخيص وانا دافعه قيمه قماش ممتاز


ومرتين اشري من الاستقرام فستانين لبنتي من وحده حسابها شي والناس عليها
قلت اكيد الخامه زينه دام كذا الناس عليها وحتى اسعارها مو رخيصه لفساتين اطفال
اول مره مادخل مزاجي بس حاولة اتقبله وكذب على نفسي بس جواتي شي مو متقبل ويمكن عشانه فستان شتوي جاكيت وتنوره والخامه ثقيله شوي بلعتها ومشيتها
طلبت مره ثانيه للعيد ويوم وصلني انقهرت تاكدت انه الاول تبع بنتي وووووع 😂
وبعدها حرمت اشتري ملابس من الاستقرام لا لي ولا لعيالي
والله اني ادفع قيمه 350 لفستان طفله بعمر 3 سنين والشحن 40 ويجيني صيني ورديئ
واشري من فساتين المحلات اللي عندنا وماركه وقيمته اقل من اللي بالاستقرام ب100 وروعه القماش والخياطه ولا فيه قيمة شحن
حرمت اخذ شي مالمسته ولا شفته بالحقيقه مو بالتصوير

و الله صارلي فترة طويلة ما حضرت اعراس فما اعرف شو الدارج هالايام


المهم جاية انصحك لا تخاطرين و تشترين شي ما شفتيه بعينك المجردة و لمستيه بيدك انزلي السوق بنفسك احسن
فالنت يعرضون بضاعة اصلية و يصورونها بطريقه جذابه و طبيعي ننبهر بس توصلك البضاعة تكتشفين انها مقلدة و اغلى من السوق بوااايد
حسبي الله عليهم النت كله غش الا قللللة اللي عندهم ضمير

صديقتي كان زواج اخوها وتورطت
تاجرة زي كذا وصور وفيديوات وخامات ولا اروع
وتتواصل معها واتس الين وصل صديقتي الفستان وصار خلق - لحجي
وانجنت وتراسلها تبيها تصلح الغلط وذيك بلكتها
وتورطت ياقلبي وخسرت مرتين