الي اشترو ذهب حياكم

وعليكم السلام حبيبتي في مواقع وايد في الانترنت تعرض سعر الذهب بشكل يومي للجرام بس بدون مصنعيه يعني الذهب الخام حسب عياره ووزنه دوري في قوقل سعر الذهب في السعوديه وباذن الله بتلقينه واي سؤال انا في الخدمه دعواتج الطيبه لي بالتوفيق :)

سعره 26 ابريل في السعوديه

لعيار 24 177.7 ريال
لعيار 22 154.94 ريال


وجذيه بس يوم يكون مشغول يضيفون عليه سعر الشغل وكل محل ذهب وله تسعيره خاصه فيه
يوم كان 24 166 درهم للجرام الخام في الموقع
كان في المحل 188 درهم للجرام للمشغول

على فكره انا ما اشترية لاني ما احب الذهب !! خبله اعرف ههههههه بس المعلومه بحثت عنها لصديقتي فديتها كانت تبا تشتري قبل فتره وسبحان الله
ربي راد اعرف المعلومه عشان اقدر اجاوبج :)

انا دخلت موقع اسعارؤ الذهب بس ابغى اعرف كم يجي سعر الطقم

اختي اشترت اليوم طقم كبير وحلو بخمسه آلاف وميتين

سمعت ان الذهب نزل اليومين هذا ..واحس طقم اختي لو اشترته الأيام اللي راحت بيكون اغلى من كذا

حياتي لازم تعرفين اول شي

كم عيار الطقم لان فيه من 24 واقل واقل واقل بعد ما نعرف شو العيار نشوف بكم سعر الجرام للعيار هذا
بعدين تسالينه كم جرام هالطقم ويقولج مثال هذا 100 جرام ونفرض انه عيار 24 تضربين 100 في 177.7
ويطلعلج سعر الذهب الصافي وتعرفين كم يطلعله شغل ايده والفايده وتكاسرين فيها ومرات يكون في احجار بعد لازم
تعرفين كم قيمتهن ووزنهن وجذيه

ولله انا حاطه 5000 ريال اشتري فيها طقم قلت يمكن يجيني صغير او وسط