الي الزياده مي عاجبتها تتصدق بها

اخواتي العزيزات

ماابي اي نقد ابي احد يوضح لي الصوره هل كلامه صحيح واحنا غلط والا هو غلط واحنا الصح

أخواتي العزيزات
انا مثلكم كنت اعترض علي الزياده واقول فشلونا ومدري وشهو بس لما رحت لواحد من قرايبنا قلي يابنتي لو قلنالك كل شهر خرجي من راتبك 5% وتصدقي بها بتتصدقي والله الي اسمه الله ماتسويها وان سويتيها شهر ماسويتيها الثاني لانك بتكونيني محتاجتها
اجل ليش ماتحمدي ربك عليها وتفرحي بيها لان البركه في الشي القليل
صراحه حسيت باحراج من كلامه وقلت انا الحمدلله حالتي تمام نقدر نمشي نفسنا بس المشكله الي رواتبهم قليله 1500 مثلا مايزيدو الا 75 ريال والله حرام
قال يابنتي انا اعرف ناس ماعندهم راتب يعني مازادو شي
بس الحكومه والله ماقصرت
حاطه جمعيات خيريه تعطيك كل الي تحتاجيه من سكر ورز وحليب والدقيق
وانا بنفسي شفت عوائل عايشين عليها وحالتهم مره حلوه ومشتركين في الضمان الاجتماعي ويصرفولهم راتب شهري اعتقد800 وشي زي للفرد من العائله كذا يعني مكملين بيوتهم ومعطينهم فلوس يكملون الناقص
اذا وش ذنب الحكومه اذا فيه ناس فقراء ومهم مقدمين علي الجمعيات الخيريه او الضمان الاجتماعي
صراحه من جد سكتني وماقدرت ارد
لاني انا نفسي اعرف وحده مقدمه علي جمعيه خيريه يقولون ماشاء الله الاشياء الاساسيه في الاكل كلها يوفرونها
ومع كذا بما انها وفرت الاشياء الاساسيه مي ملزمه توفر الترفيه
لان المجتمع من ايام الرسول فيه طبقات غنيه وفقيره
يعني مو لازم كلنا نصير اغنياء

صراحه اقتنعت بكلامه واستسغرت تفكيري