omyoussef :

بسم الله الرحمن الرحيم هاقولكوا يا بنات الحكايه كلها انا كنت عادي كده مليش في اي حاجه وكنت بادخل على المنتدى بتاع عمرو خالد سنه بحالها اقرا بس مش بشارك خالص لغاية لما قريت في موضوع عن واحد وواحده من المنتدى كانواعرفوا بعض من المنتدى وراح اتقدم لباباها وخطبها واتفقوا على الزواج وكان المنتدى كله مبسوط بيهم وعملولهم فرح وهمه قرروا ميعملوش فرح ويدوا فلوس الفرح للجمعيات الخيريه في مصر مع انهم مش مصريين اصلا وكمان كانوا هايروحوا يعملوا عمره بعد كتبالكتاب المهم في اليوم المحدد للفرح اللي كان هايتعمللهم على المنتدىيعني الناس تدخل وتباركلهم وكده جالنا خبر انهم عملوا حادثه بالعربيه مع اهلهم وهمه الاتنين ماتوا "انا لله وانا اليه راجعون" فلقيت المنتدى كله زعل عليهم طبعا والناس تصلي وتدعيلهم وعملولهم ختمات قران واللي طلع صدقات طبعا هاتقولوا انا باحكي الكلام ده ليه هاقولكوا لاني ساعتها فكرت انا لو مت دلوقتي حد هايفتكرني........حد هايدعيلي........انا اضفت ايه لديني او للناس علشان الناس تفتكرني بيه ومن ساعتها قررت مابقاش متفرجه واني اشارك واساهم وفعلا بقيت اشارك بافكار واراء وجمعنا جروب في النادي الاهلي عندنا ومش هاتصدقوا ان صاحب فكرة الجروب دي كان ولد عنده 15 سنه اصغر واحد فينا وقررنا ان احنا لازم نعمل حاجه وقولنا هانعمل شنطة رمضان من خلال النادي تخيلوا يا بنات 6 او 7 افراد لاحول ليهم ولا قوه قالوا هانعمل يعني هانعمل ومش هاتقف قدامنا اي عقبه ان شاء الله مع ملاحظة ان الاستاذ عمرو ساعتها مقالش اعملوا فاحنا في الاول كنا شغاليين لوحدنا وبعدين لما عرف الموضوع من المنتدى لاقينا ناس هناك كمان في الموقع عايزه تعمل المشروع ده وشجعونا اصعب لحظه واحنا رايحين نقابل مدير النادي علشان ناخد الموافقه هانقوله هانلم فلوس من الاعضاء علشان نعمل شنطة رمضان واحنا من صناع الحياه طبعا كنت محضره نفسي للاسوأ بس الراجل وافق الله يكرمه بس بشرط ان احنا نقف يوم واحد نلم ومنحطش اعلان جوه النادي يعني عايزين نعلن هانعلن من غير ما نعلق اعلان ..فزوره صح قولنا مش مشكله برضه مش هانقف اتفقنا على صيغه اعلانيه واتفقنا مع جمعيه خيريه علشان مش اي حد بيلم فلوس كده وطبعنا الاعلانات وقررنا ان كل يوم واحد يروح يقف قدام بوابة النادي يوزع الاعلان والكلام ده كان قبل المعاد المحدد باسبوع وفعلا ده حصل وهاتستغربوا انا انا شخصيا وانا باوزع والله كان فيه ناس بتقف وتقولي احنا مش هانقدر نيجي في اليوم الفلاني وعايزين نديكي الفلوس دلوقتي اقولهم انا معيش وصولات من الجمعيه علشان اديهالكوا يقولولي مش عايزين وصولات احنا واثقين فيكي ...............الحمد لله وجه اليوم المحدد وكنا مرعوبين ياترى الناس هاتيجي ياترى فيه حد هايعبرنا كنا خايفين نفشل لاننا عايزين نساعد ناس فقرا وربنا هايكرمنا ان شاء الله النتيجه؟؟؟؟؟ كان اروع يوم في حياتنا كلنا الناس تجاوبت معانا بطريقه رهيبه جمعنا يومها حوال 16 الف غير التبرعات العينيه كان فيه ناس بتجيبلنا عربيات نقل متحمله اكياس رز وسكر وبلح وجت سكرتيرة الاستاذ عمرو وهوه كمان اتصل وشجع الولد الصغير اللي لمنا في الاول وكان يوم تعبنا فيه لوي اوي واتبسطنا فيه اوي اوي

بسم الله الرحمن الرحيم هاقولكوا يا بنات الحكايه كلها انا كنت عادي كده مليش في اي حاجه وكنت...