الي اولادها بروحوا المدرسة بالباص لو سمحتوا تدخل وتعطيني رأيها

اهلا وسهلا بكل الي دخل وقرأ الموضوع



انا رح احكي لكم شو صار معي وبعدين اشوف شو بتساووا لو كنتو مكاني وشو حتساووا بعد ما تشوفو الموضوع


هذا امبارح اجا الباص الي يوصل اولادي للمدرسة وهو بيجي بوقف قدام باب البيت ولما اجا قلت للاولاد يلا روحوا اطلعوا على الباص ووقفت اراقبهم من داخل المنزل الاولاد اترددوا يطلعوا لان المدرسة مغيرين السائق

وبعد ماراحوا قلت لابوهم اترددوا يطلعوا في البداية لان ماشافو الشائق المتعودين عليه

فقال لي زوجي وكيف خليتيهم يطلعوا والسائق مختلف؟؟ متاكدة ان هذا باصهم

انا انصدمت قلت له جا بالوقت المحدد الي بيجي فيه دائما ووقف قدام البيت

فقال لي طيب فيه اطفال تانين مابتعرفي اذا هذول الاطفال الي بيروحوا معهم دائما


انا صار الدمع بعيوني وقلت له والله ما نتبهت ولا فكرت بكل هذا

فقال لي خلص حصل خير ان شاء الله هذا باصهم بس انت راقبي كمان شوي اذا لاسمح الله اجا باص تاني ووقف قدام البيت وزمر على طول قولي لي

طبعا انا صدعت وجلست قدام الباب نص ساعة وما اجا باص تاني والحمد لله

وراح زوجي على الشغل ولما صار وقت رجعة الاولاد اجا الباص بس كان متاخر ربع ساعة عن وقته المعتاد

طبعا بهذي الربع ساعة انا انهرت وبكيت ورجلي ما عاد تحملني وزاد صداعي والله كانت لحظات صعبة الله لا يورجيها لمسلم :06:وبعد ما دخلوا الاولاد البيت ضميتهم وبستهم كتير وهنن استغربوا ايش الاستقبال الحار هذا


المهم الان بعد ما حكيت لكم القصة بدي اعرف لو كنتوا مكاني وشفتوا السائق مختلف بتخلوهم يطلعوا او لا

واذا مرة تاني اتغير السائق شو بتنصحوني اعمل ؟؟؟ كيف بتاكد ان هذا باص اولادي؟؟؟


وهل انتو بتطلعوا مع اولادكم للباب الباص او بس بتراقبوهم من جوا البيت


اعتذر على كترة الاسئلة وفي انتظار ردكم ياغاليين