السلام وعليكم خواتي..
الغاليات بقيت أطلب منكم اللي عندها غرفة بالبيت للعب الأطفال ومرتبتنها حلو.. مع مراعاة السلامة طبعا.. أبقي أشوف الصور؟؟
واللي ماتبقي تحطي الصور عالعام عادي طرشيهم لي عالخاص.. وأكون الكم شاكرة..
لأني عندي غرفة وحاطة فيها لعب الأطفال بس ماعارفة كيف أرتبها عدل.. حاطة ألعابهم بصناديق عادية.. أبقي أخذلهم صندوق كبير بس أحسبه بيكون كبير عليهم ومابيقدرون يطلعون ألعابهم.. ومرات أفكر بكم صندق يعني لكل شي بس بيكون حوسة..
بعد أبقي أحطي جلسة كنب كمن كنبة يعني.. وبخاطري أحطي الاسفنج اللي يكون مثل المربعات اللي ينحط بالأرضية بس أخاف عيالي يقطعونه من أول يوم.. ويتوسخ ومايكون عملي..
باختصار أنا حايصة لايصة في هالغرفة ماعارفة أرتبها.. ياريت تسوون فيني خير وتراووني صوووووووووووووووووور..
بانتظاركم يا أحلى خوات..
وحدة كانت فارشة الارض اسفنج خاص للاطفال ملون آمن لهم وفية ب ايكيا مجموعة للاطفال مرجيحة وحبال يتعلقون فيهاا تتعلق من السقف وحاجة في الجدار يتعلقون عليهااا
ووزعي مخدات بالارض الالعاب المهمة اشري لها رفوف صغيرة يوصل لها الاطفال او دولاب صغير والباقي حطيهم في صناديق متوسطة عندي شاريتهم من ساكو روعة
اذا عندك بنات حطي لهم بالزاوية مطبخ صغير فرن ومواعين وطاولة طعام صغيرةحطي لهم قصص يقرونهااا لوني الجدران كل جدار لون
وفية الخيمة اللي داخلهاا كور يحبونها الاطفال وهذا كلة يعتمد عالمساحة عندك وعدد الاطفال واعمارهم