الي بتدخل بتفرج لي كربه ولها اجر تفريج الكرب

مرحباً بنات انا ببدي بهمي وابي منكم مساعده تكفون تعبت انا كنت ساكنه بشقه وزوجي موظف بس الراتب نصه. يروح ديون وابعد سنه ونص من زواجي اخو زوجي ساكن مع اهله بالبيت والبيت فيه امه واخته واخوانه اثنين مو متزوجين طيب بعدين طلع ببيت لحاله وظلت امه واخوانه بالبيت وكنا نزورهم وكل مره تقعد تبكي قدام زوجي وتقول انها تبي تشوف عيال ولدها عندها بالبيت واخته تقول تعالو اسكنو عندنا امي تعبانه و أنتو تكسبون اجر واخوه يقول تعال واسكن عندناونساعد بعض وتتعدل مآديتك وزوجي قال خلينا نسكن عندهم واذا خلص الدين نطلع ووافقت لان مالي حل غير كذا ومن سكنا بعد شهر الكل تغير امه صارت تبيني اشتغل لحالي واذا اشتغلت حاجه تقول صرت شغالت مطبخ واخته من الجامعه للمعهد والليل نوم وسكت ولا اشتكيت وزوجي هو الي كسب صار يقط بالبيت شي بسيط واخوه ماقصر يجيب ولا يقول شي الام صارت عالطالعه والنازله تهاوش قدامي علا ان ولدها العزابي هو الي يدفع والله يابنات انو لو يجيب كيس خبز تعذرني فيه انو هذا من ولدها وانا اطنش والحين انا حامل ومعي ظغط وسكر وهي كل يوم تطلع شي تهاوش عليه قدامي بس قدام بنتها ماتقول ولا قدام عيالها والله اني تعبت من كلامها اخر شي اليوم كنت اشرب بنتي كويا قالت لا تكبكبون المويا فلان تقصد ولدها هو الي يدفع بالبيت وانا عاد انقهرت لاني العصر متقضيه للبيت اغراض وانا الي دفعت من حافز والأغراض مهابته وعصير وخبز وماقلت شي والحين علا نويل ماتعدت قيمتها 20 ريال تبهذلين قمت أتكلم معاها قالت زوجك ياخذ من اخوه فلوس ولا يرجعها والله انه عمره ما اخذ ريال منه قمت قلت طيب وانا وش دخاني بغيابك اذا ولدك ريال مأشوف منه تحاسبيني علا عمايله قالت انتي الي متحججه تهاوشين والله زهقت ولمن اقول لزوجي يقول تطلعي لحالك اذا مو عاجبتك العيشه هينا طيب عطوني حل والله من الهم والظغط احس اني باموت تكفون مالي غير الله ثم انتم شوفولي حل