الي بتكذبني لاتدخل الي تبي تستهزئ تطلع !

الأسرة والمجتمع

انا تزوجت من أسبوع تقريبا وعندي مشكلة بحاول اختصرها انا عندي مس عاشق ماخلاني اقدر انام مع زوجي تخيلوباقي مالمسني إلى الحين وباقي صابر علي ولما خبرته بالحقيقة وزعل مره قال انا مدري انك مريضه قلت خلاص طلقني باقي تونا في البدايه قال مستحيل لو ايش ماأطلق بس احسه كذاب مستحيل يتحمل وقت طويل و صراحه حسيته مهملني و مو قادر يتحمل أكثر وتغير معاملته معي مو مثل أول يومين طاير فرح احسه انصدم ومكتئب صراحه احس بشفقه تجاهه بس وش اسوي شي مو بيدي وأحيانا افرح ا ذا نام وراح عني ارتاح مره واحيانا اكرهه مره صراحه تعبت من نفسي لاني نفس البنات عايشين شهر العسل 😔اهلي عارفين وضعي قالو نعطيك فرصة شوي اذا ماتعدلتي نوديك رقاه يعالجونك اكيد فيك شي اومستشفى نفسيه ! بس برضو احس مو مره مصدقيني يقولون بس خوف ودلع وبتنحل المشكلة بس انا عارفه نفسي مارح تنحل لاني مو قادره حتى انام معه بنفس الغرفه وكذا قرفانه ومعصبه وبس ادعي عليه في نفسي بدون مايغلط ؟وانا وربي مو خايفه ولا خجلانه انو بالعكس جريئه عادي اسولف واكل قدامه من اول يوم واحسه مثل اخوي يعني صراحه ماحسيت باي مشاعر تجاهه
53
15K

يلزم عليك تسجيل الدخول أولًا لكتابة تعليق.

تسجيل دخول

أم رغد وياسر
أم رغد وياسر
الله يفرج همك
غربة الوحده
غربة الوحده
مافيك الا العافية ...هذا الشيطان يبي يخرب حياتك تعوذي منه واكسبي زوجك واتركي وساوس عاشق وما عاشق ..
وتظل الروح مشتاقه💗
يعني هو تزوجك وهو مايعرف ان معك مس؟
إذا اجابتك اي فهذا غش
ترضين تتزوجين واحد وبعد الزواج يقولك أنا فيني كذا أو كذا!!


الله يشفيك ويعافيك واستمري على الرقيه ضروري
امطار الشتاء ☔
امطار الشتاء ☔
طيب ليه غشيتوا الرجال ؟؟ لو هو اللي فيه مس كان قومتوا الدنيا انتي واهلك وقلتوا غشنا ومن هالكلام
واهلك يقولون نجرب وبعدها نوديك للرقاة !! وش ذنبه الرجال تجربون فيه كانه فار تجارب ؟!
ارقي نفسك وتعالجي لان زوجك ماله ذنب يتحملك وهو اصلا مايدري وش السالفه واذا سكت وتحمل الحين ماراح يسكت ويتحمل ع طول
اعرف وحده تزوجت قريبها وفيها مس وهو عارف انه فيها مس لكن قال بعالجها ومع انه يعرف بس ماتحمل ورجعها لاهلها يعالجونها
الله يشفيك ويعافيك ويكشف ضرك
زائرة
كيف عرفتي انه فيك مس ؟
طيب انتي كنتي مخبيه على اهلك ؟ يعني ماانتهو انه فيك شي مو طبيعي مالاحظو
لاززم رقيه شرعيه
وزوجك من حقه يزعلل انتو بذا التصرف كانكم غشيتوه
مفروض تتعالجي قبل لا ترتبطي
الله يشفيك ياارب