الي بتكلم زوجها بالتلفون

انا ماني ملكة يا اختي انا متزوجة
بس بقولك اللي اشوفه على زميلاتي
حسب شخصيه الوحدة
انا اعرف وحدة من زميلاتي كانت كل صباح تكلمة وتاخذ معاه ساعات وتكون دايما متواصله معه والرسايل ماتنقطع كل شوي نسمع تن تن تن تن رساله جايتها
اذا ماقدرت تكلمة في المحاضرة يكلمون بعض عبر رسايل اس ام اس
عاد الله اعلم وش يقولون


اما صديقتي الثانيه كانت حياويه اهداها جوال مع الخط
وكلمته اسبوع بس بعد الملكة بعدين قفلت جوالها
ليش يابنت الحلال مقفله جوالك
قالت ماابغاه يكلمني
انا صحيح احبه بس ابغى علاقتنا سطحيه الى موعد الزواج ولا كيف تكون حياه جديدة
بعدين يمل مني واصير كتاب مفتوح قدامة ( هذا كلامها)
ودمتم

صعب عزيزتي نحدد لك انتي تفهمين شخصية الرجال ؟؟؟يعني وش يحب يتكلم عنه وانا من وجهة نظري ومن تجربتي افضل ماتكثرين مكالمات لان الرجال يمل خلك على قوله المثل ((زد غبا تزدد حبا))

أماني الود... اول شئ الف مبروك .. الله يوفقك ان شاء الله

انا متملكه لي 4 شهور وزواجي احتماااااااااال يكون بالصيفيه .. تبغين نصيحه اخت ماتبغى منك سو انها نصيحه لوجه الله .. تحبين تاخذين فيها او ترمينها هذا شئ راجع لك..اوكي

انصحك اول شئ لاتكثرين معه كلااام يعني حاااولي قدر المستطاع المكالمات يكون وقتها قليل ساعه واقل ومو كل مادق يبغاك يلقاك ..حاولي تقولي مره انك بتنامي بدري..او مشغوله ..اواهلك يبغون التلفون .. نصيحه ليه؟؟؟ اول شئ راح يشتاق لك يتعلق فيك يتلهف عليك مو تصيرين شئ عادي متى مابغاك يلقاك!!!
ولاسباب ثانيه انا اقولك عليها
1/لان لما تكثر المكالمات وتخلص السواليف يصير يعطيك بس كلاام ووعوووووود معظمها تتبخر بعد الزواج او حتى قبله بفتره .. وراح تنصدمين ..
2/ تكثر المشاكل انت قلت وانا قلت ومن هالحكي
3/ يصير يعرف عنك كل شئ .. وتصيرين كتااااااااب مفتوح له وهو بااااقي مادخل عليك .. واحيان الانسان يغلط ويقول شئ مو من المفروض يقوله
4/يصير يتحكم ويقول لك وينك وين رحتي وانت احيان ممكن تتخذين نفس هالاسلوب معه مما يسبب مشاكل بعد فتره ويصير احدكم لا يحتمل هذه الاسئله..
5/ يصير يموون وبقوه ويمكن يحاول يضغط عليك بأسلوب لطيف تتخلين عن اشياء في الزواج او الشقه ..
نصاااااااااااائح اخرى:
1/ المااضي انسيه لا تجيبين طاريه ابدا ابداً
2/ اي مشكله تصير داخل البيت ان شاء الله مع اخوك الصغير لا تقولينها له ولا تشتكين من اهلك له .. راح يقلل من هيبتك وقيمت اهلك امامه حتى لو كان بصفك كله بعدين يبان.
3/ اذا فتح معك مواضيع من اللي بالي بالك حاااولي قدر المستطاع تسكرينها او تسكتين وتقولين له استحي..لان اذا جاريتيه من اولها بيقول عنك جريئه ماتستحين .. لين تنشفين ريقه وتعلينه عطيه شوووي وجه بالنسبه للمواضيع هذي وومكن يتكلم اكثر شوي قبل الزواج باسبوع او اسبوعين.
4/حاولي قدر المستطاع هو اللي يتكلم يسولف عن نفسه.
5/ اذا اخذ رأيك بشئ قولي رأيك بدون خجل عادي لان اذا قلتي له على كيفك من باب الخجل راح يتعود وبعد الزواج راح تتعبين .. بيقول ماتعودت تقولين كذا وانتي تغيرتي ..ويصير يتصرف من راسه.
______________________
حاولو تكلموا عن هوياتكم .. عاداتكم .. يعرفك على اهله اذا ماتعرفينهم .. يحكي لك عن عمله.. ايش يحب يعمل في الويك آند..دراسته.. يعني كلام زي كذا

ووالله مااقولك هالكلام اخوفك بلعكس هي احلى مرحله .. استمتعي فيها .. بس انا اعطيك نصائح من واقع تجربه عشتها ونصائح كان المفروض اعمل فيها والبعض الآخر لا عملت فيه..
الله يوفقك يارب أدعي لي ان الله يتمم زواجي لان في زوبعااات .. والسبب ان العريس صار يمون واخذ علي وإلى الآن ماجاب لي المهر ولا استأجر القصر ولا الشقه بعد .. ويسحب فيني .. والله يستر ياااااااااااارب ..
اي سؤال انا حااااااضره.. اعتبريني اختك..واسفه جداً على الإطاله .. بس نفسي كل البنات اللي بمثل وضعنا يستفيدون وماابخل عليهم..

اذا راح تكلميه ست وأربع ساعات تدريجيا
راح تقل المكالمات بعدين وتصير ثلاث بعدين ثنتين بعدين ساعه وحده
وبعدها نص ساعه وبيمل بسرررررررعه فاأنصحك لاتكلمينه وايد
وخليش ثقيله خليه هو اللي يبي يكلمك وتالي شوي وسكري
راح يشتاق لك كل يوم ويتصل لك كل يوم بس اذا كلمتيه بالساعات هو اللي راح
يطلب منك بعدين أنكم تتقللون المكالمات وبتكوني أنتي و متعوده فبتبدين تلاحقين وتبين تكلمينه
وبيطفش الولد خخخخخخخ
بس هذي الصراحه خذي نصيحتي وبتستانسين لاني مجربه وراحت علي ياليت الايام ترجع

انا عن نفسي ما انصح بالمكالمات الطويله
اتوقع نص ساعة كل يوم تكفي حتى ما يفرطوا السفرة كلها وتخلص سواليفهم ويرجعوا يتناقروا
وغير كذا المكالمات الطويلة تحدث ملل للزوجين في هذي الفترة