الي بمدينه بعيده عن أهلها .. أشلون عايشين وخااصه بجده .. أفيدوني!!

تهي تهي

والله الحال من بعضه ياوخيتي رحت بديره غير ديرتي وبالبدايه جاني اكتئاب وملل

بس بعدين تعرفت على ناس يعني ربع زوجي عرفني على حريمهم وماشاءالله أحسن مني يحبون يزورن

ونسوي جمعه كل أسبوع عند وحده حتى برمضان

بس والله مافي أحسن وأحلى من الجلسه ويا الاهل اللي ازورهم بالسنتين مره ويادوب تعرفين دوامات وأشغال مافي وقت والله

بس حاولي تقولي لزوجك إذا عنده ربع تزورين حريمهم يعني بحكم إنه زوجك يعرف ربعه زين

أو التحقي بمعهد أو تحفيظ للقرآن ومن خلاله تتعرفين على بنات وتغيرين جو وتضيعين وقت بشيء ينفعك

والله القعده بالبيت تجيب الملل والضيق

بعد أهلنا بعيدين شنسوي لازم نعيش حياتنا بأحسن مايكون

موفقه أختي

بس والله مافي أحسن وأحلى من الجلسه ويا الاهل

صدقتي والله:44:

حاولي تتوظفين الله يعيننا واياك

واحنا لنا 20 سنة بجدة ومع ذلك جيرانا مانروح لهم
كانو قبللهم ناس يجونا ونروح لهم ولما نقلو
جاتنا جارة استغفر الله منها حتى بنت عمها اللي ساكنة تحت
ماتروح لها وجيراننا الباقيين اجانب فلبين وافغان
امي تعرفت على ناس بزواج طلعوا جيراننا في العماير الثانية
وماشالله هم وامي صحبة كل يوم عند وحدة
والناس الباقيين اللي نروح لهم يااقاربنا او معارفنا
انتي تعرفي على ناس كثير مو شرط جيران
بزاواج مثلا او المشغل

بنات انا خاطبني سعودي والله خوفتوني من الغربه
وخايفه اوافق واندم مع انه زين

حبيبتي الحااااال من بعضه..لا تشكين لي ابكي لك..
تدرين اهلي في مكه وانا في الامارات..شفتي المساااافه البعيده..خليها على ربك بس.
وصار لي الحين 15 سنه ..قولوا ما شاء الله..
بس خلاص تعودت على حياتي هنا..والحين طلعت ليسن وسياره وشايله نفسي..
بس والله ان الوحده قاتلتني بجد..احس اني عايشه بالمهجر..جاراتي اللي جنبي بالشهور ما اشوفه..والحاره خااااااااويه مع ان البيوت مليانه ناس..واهل زوجي بعيد ومش فاضيين..كل(ن)عايش حياته ولاهي بدنياه..
سامحيني يالغاليه ..بس من جد جيتي على الجرح