الي تاخرت بالحمل تدخل ضروري

خواتي
بارك الله فيكن جميعا
ورزقكن الذريه الصالحه عاجلا غير آجل اللهم آمين
اريد ان الفت انتباهم لامر مهم قد لا تلتفتن اليه
اعلم ان هم الانجاب كبير خصوصا لما تشوفي صاحباتك حملو وانتي لا
ولما تشوفي ام زوجك تعاتبك وتميكي بكلام من لهب وانتي كاتمه بقلبك
يوم زوجك يطر موعد الدوره الي صار حافظها اكثر منك واني بكل توتر
وعلى اعصابك تقولي يارب مااشوفها
ولما تنزل تتطولي بالحمام(( الله يعزك)) وتبكي وتسبي بها غصب عنك
ولما تتمشي مع زوجك ما تبيه يلتفت الى اي ام حامل او بيدها طفل
تخافي لا يشوفها ويتمناها زوجته .
ولما تقعدي بالغرفه او باليت مافي ضحكه طفل وتترجي اخواتك او اخوانك
ان يخلو عيالهم عندك يونسونك انتي وزوجك ويملو البيت ضحك
ولما ولما ولما آآآآآآآآآآآآآآآآآآه ياهي ايام صعبه مريت بها
شوفو ياخواتي انا تاخرت ثلاث سنين فعلا كان عندي مشاكل
مثل الهرمون الحليبي والتكيسات لكن والله اني كنت منضبطه عالعلاج واشفى
ومايصير حمل كنت اشوف البويضات ثلاث اربع سيون يتلقحوون ومايصير حمل
وانصدم ليش وارد اقول الله ماكتب ...
تدروون باول فتره من زواجي زوجي عمل فحص وقالهالطبيب ممتاز
بس انا ما ارتحت لاني عندي خبره بالتحليل واعرف كم الطبيعي وكذا
وشفت انه مو طبيعي شوي اقل ورحنا على دكتوره ثانيه وقالت اشياء كثيره
وزوجي ما اقتنع بها واخذ بكلام الدكتور ومرت سنه سنتين ثلاث
وهو مايسوي شي وانا الي اتعالج وسويت تلقيح صناعي مرتيين ولا صار حمل
بعد الثلاث سنوات تعبت وقلت لازم هو يحلل ابشووف واسمع راي ثالث
وخبرته ان الدكتوره طلبت مني انه يحلل وراح وحلل وبكل ثقه
وبعدن طلعت النتايج وخليته يجي معاي يسمع بنفسه
وقالت الطبيبه ماتحملو الا بمجهري :09: ياهي صدمه لنا
مازعلت وقلت عالاقل يشيل معاي الهم بدل ما احاتيه صار يحاتيني
لو انه خذ بكلام الدكتوره من الاول كان انا حامل من اول سنه سبحانك ياربي
المهم زوجي اخذ ابر مقويه بس بس بس
وانا اخذت حبوب السكر بس بس بس
وبنفس الشهر صار الحمل
اللهم لك الحمد والشكر كما ينبغي لجلال وجهك وعظيم سلطانك
فالزبده من كلامي لا تسكتون على رووحكم وتتعالجون وازواجكم لا تراه اكبر غلط
لازم تتاكدوون ان ازواجكم سليمييين تماما بالعدد والحركه


لازم تتاكدوون ان العدد 40 مليون ورايح والحركه 60% يتحركوون وبمستوى الف او باء
ولا تسكتووون وربي يرزقكم يارب
ادعولي بالولد الصاالح