اتمنى حفظ القران @atmn_hfth_alkran
محررة برونزية
الي تبغى تتصدق بهاالشهر الفضيل تدخل
السلام عليكم خواتي والشهر عليكم مبارك حبيت اضيف موضوع مهم وخطير والله انها حقيقه وليست خيال في يوم الجمعة10/9/1431 هـ وفي تمام الساعة الواحدة طلعت انا ( اسمي بعالم حواء الجنه مقصدي )وعايلتي لاحد المطاعم الموجودة على شارع المدينة بالبديعة بالرياض وعند استخدام لدورات المياة وانتم بكرامة لقيت طفلة يمكن عمرها 8 سنوات ماسكة مكنسة وصابون وتغسل في الارض وبعد ما شفتها سالتها وش تسوين قالت باللهجة السعودية سعودية ياناس والله شي يقطع القلب :انظف الحمام امي جالسة برى تعبانة وانا جالسة اغسل الحمام والمغاسل بدالها قلت ابوك موجود يعني حي قالت: ايوة بس يلقط الحديد من الشوارع ويبيعها خنقتني العبرة بغيت اخذ البنت واضمها وابكي على طفلة مالها ذنب وام حدتها الظروف انها تغسل وتنظف في حمامات مطعم عشان تكف نفسها من الشحاذة وسؤال الناس هذا يعطيها وهذا يطردها و90% كلمة لابد منها وكلنا حافظينها (على الله) المهم طلعت ولقيت حرمة جالسة والله باين هموم الدنيا معبية راسها وسألتها من باب غيرتي عليها وانا احس بالعار والله وانا اجد الناس وخاصة الاجانب في المطعم تخدمهم سعودية وليست اي خدمة المهم سألتهاليش يااختي كذا معقولة ما لقيتي شغل غير كذا ردت قالت ابدا حاولت قدمت على اكون فراشة في مدرسة صار لي كم سنة وانا انتظر قدمت على الجمعية قالوا زوجك موجود وزوجي راتبة قليل مايكفي وتقول انها مبسوطة انها لقت شغلة احسن من يموت عيالها من الجوع وقالت الاجار يبغى ومتطلبات الحياة كثير والفواتير المهم اخذت رقمها وقالت اي شي اخذة انا ماتشرط اي شي انا ابغى الستر قلت تاخذين زكاة الفطر قالت ايوة وهي ساكنة في منفوحة المهم رحت وخبرت زوجي وتأثر قال لازم اتأكد طلع وسأل مدير المطعم عنها وقال المدير انها تعمل من فترة وراتبها 1000 ريال الف ريال وحسرتي على بنت بلادي ورحت البيت والى اليوم وانا ما نسيت الموقف وما لقيت نفسي الا وانا فاتحة النت وحابة اقولكم القصة علشان اللي عندها شي او اي شي حابة انة يظلها في يوم لاظل لة تراسلني على الخاص واعطيها رقمها او تروح لنفس المطعم وتروح دورة المياة وتشوف بعينها واكيد تبون تعرفون اسم المطعم نسيت اذكر اسمة في البداية وهو مطعم عمو حمزة قريب من اسواق البديعة مول على نفس الشارع والله لايحوجنا ولايحدنا ولاخواتي المسلمين ويغنينا ويعافيهم ويرزقهم كلامي مبعثر وما ادري وش اكتب بس سامحوني على الاطالة وان شاء الله اكون افدكم بمكان تعطى فية الصدقة او الزكاة في المكان الصحيح دون تلاعب الشحاذين بعقول الناس
4
474
يلزم عليك تسجيل الدخول أولًا لكتابة تعليق.
الصفحة الأخيرة
وعلى اختي امين