الي تبي الأجر تدخل وتساعدني محتاجه لكم

السلام عليكم ورحمة الله وبركاته

بنات تكفون عندي مشكله وبي لها حل يكون بحكمه ولي عندها او مرت عليها ها التجربه الله يخليكم ساعدوني
انا اكبر اولادي بسنة اولى ثانوي يعني الحين هو بسن البلوغ والمراهقه المهم حسيت انه له يومين يجلس بعد صلاة الفجر على النت وما يقوم منه الا يمكن بعد الظهر واحنا نايمين انا حاطه الكمبيوتر بصاله وحريصه اني اكون مراقبه الوضع يعني الرغابه موجوده بس من جات الأجازه المدرسيه برمضان تعرفون صارو العيال يطولون بسهر المهم قبل ساعه قلبي نغزني وانا خلاص ناويه انام قلت خلني اشوف ها الولد وش جالس يسوي نزلت له الصاله بشويش انتبه لي وحسيته تخربط وخاف انا اعاد ماحبيت احرجه وبنفس الوقت ضاق صدري وقلت بنفسي اكيد انه يسوي شي مو زين المهم قلت له رح انتبه لخوك فوق نايم انا بسوي شي با المطبخ وبرجع راح بس كان متردد اني افتش من وراه ويوم طلع من الصاله جلست ادور ونصدمة شفته يطالع صور اباحيه قسم اشوي وببكي والله يابنات ان ولدي عاقل ومايخبي عني شي مرة ودايم يحمل قران واناشيد با النت وهذا الي مضيق صدري مدري هل هذا عادي مشانه مراهق انا غشيمه اول ولد لي بكري ومحتاره شلون انصحه انا خليت كل شي على وضعه وطلعت الغرفه وقلت له رح نام وبس ما كلمته بي شي بس هو حس وشغلت النت وقلت ابي اشاوركم ماعندي غيركم ابي النصيحه وانا اكتب لكم الا وهو جاني با الغرفه وقالي يمه بقولك شي قلت له تفضل قالي امي انا كنت على النت وكنت كاتب بقوقل على اسم شريط بلاي شتيشن وطلعت لي وحده عريانه وقفلته على طول بس كل افكر في ها الصورة ماقدرت اشيلها من بالي وبعدين رجعت اطالعها وانا متندم وماني عارف وش اسوي جلست انصحه وذكره ان ها الشي حرام يعني عطيه محاضره وتأسف وطلع بس للحين انا مو مرتاحه ودي اعطيه الحرية وبيه يتغلب على ضعفه يكون رغيب نفسه وبي منكم الي مجربه مثل ها الموقف او عندها عيال على وشك بلوغ تقولي شلون اتعامل معهم تنصحني تكفون ساعدوني وربي ضايق صدري احس اني مقصره بحقه على اني والله العظيم دايم انصحه وكني اخت له مو أم عارفه اني طولت عليكم بس تكفون كل وحده تدخل تعطيني نصيحتها ولي ماعندها خلفيه ترفع موضوعي الله يجزاكم خير ويوفقكم وعلى فكرة انا الحين قفلت النت عليه بصاله وراح اخلي له وقت معين يجلس عليه ويكون قدامي هل هذا تصرف سليم ولا لا افيدووني افادكم الله

منتظره ردودكم :(