الي تبي تاخذ امير ولا شيخ ولا مليونير تدخل #######

السلام عليكم
ها كم وحده ادخلت اكيد كلكم تبون امراء

بنات انا ماحطيت هالموضوع الا لمصلحتكم
انتم مثل خواتي

طيب بدخل بالموضوع
الحين كل بنت تخرج من المدرسه تبدا احلام اليقضه بالزواج
وكثير بنات تتخيل انها تنخطب من امير ولا من شيخ ولا من واحد هامور او من ناس تجار

بس فيه بنات لما يجي الخطيب تترك هالاحلام الورديه وتفكر بالواقع وتوافق على العريس

ولكن فيه بنات تظل تحلم وتحلم مثل حالتي:mad::44: حتى تصحى يوم وتلقى نفسها فوق الثلاثين وتقول ياليتني خذيت فلان وعلان يوم اخطبوني

انا الحمدالله انخطبت كذا مره بس ماصار نصيب والحمدلله على كل حال
وكنت ارفض على اشياء تافهه بانتظار فارس الاحلام الي مكمل من مجاميعه
وبصراحه مو بس انا حتى اهلي كبروا راسي

ماكنت بالضروره ابي امير بس كنت ابي مهندس دكتور جامعي وهذولي ماجوني

بنات الي بقوله اي شروط غير الاخلاق والدين تنازلوا عنها لو ماكانت مهمه
يعني شرط مثل السكن مع الحموله
شرط انه يكون جامعي
شرط القرب او البعد بعضهم اذا الزوج خارج الرياض ماتقبل مع ان الرجال ماينعاف غلط

اعرف وحده بناتها ماشاء الله ملكات جمال
مقعدتهم تبي تزوجهم امراء مثل بعض بنات عمهم والله يعوضهن خير وصلن الاربعين ومااعرسن تكفون ادعوا لهم بنات
انا رسالتي هذي لكل ام وبنت
مشي حالك يسيري ولاتعسري
شوفي البنات حولك ماخذين ناس بسطاء وعايشين
اشوف الناس حولي تتحرك تحمل تودي عيالها للمدرسه تتمشى مع زوجها تسافر وانا محلك سر الحمدلله رب العالمين راضيه بحالتي وقانعه بنصيبي وعارفه ان ربي كاتب لي الخير
بس من خوفي عليكم كتبت هالموضوع
انا لو عندي اخت صغيره ازوجها بدري للشخص الي يستاهلها مهما كان وضعه الاجتماعي
بنات اصحوا من الحلم وعيشوا الواقع
ودعواتكم لي بالزوج الصالح :39: