الي تبي تعرف حياتي بعد زواجي ....

الأسرة والمجتمع

اللسلام عليكم
كيفكم واخباركم
وكيفكم مع حافز ههههههههههههه
المهم حبيباتي اليوم شفت موضوع لي قديم وانتم ترفعونه وانا اقرا في الردود شفت وحده كاتبه كيف ياليت تكتب لنا حياتك بعد الزواج
وانا بصراحه ودي من زمان اكتب بس متردده

المهم مالكم بالطويله
انا بعد الزواج تأزمت نفسيتي وجاتني حاله وقولون كنت مااقدر اكل نهائي واغلب وقتي عند اهلي لاني ماقدرت اعيش معاه بس تعودت شوي عليه
انا حاليا عند اهلي بحكم دراستي
هو طيب وحنون بس مشكله اذا صارت مشكله بيننا يقولي كل شي صار بيننا من اول يوم كلمته في الملكه
يعني يعيد المشكله يحقد مايغفر
وغير كذا كل شي يقوله لاهله حتى لمن اروح السوق اشتري كل شي يقوله لهم
ويخاف منهم مررررررررره لدرجه اذا رحت عند خواتي يقولي لاتقولي لاهلي !!!!!!!!
المهم اخر مره ضربني عشان خواته اهله مره متخلفين ويحبون يتدخلوا في كل شي
ويوم قلت له الحين وش بتجيب لي هديه
قام سوا لي محاضرة طويله عريضه <<< على فكره كل ماطلبت منه شي كذا يسوي يكرهني في الشي الي يجيبه
المهم قالي انا جبتك لك هدايا وانتي جبتي لي هديه قيمتها ماتتعدى 150 <<< طبعا هي ب 300 ريال
وبعدين قال انتي ماتعايديني وانا اذا زعلتك ابوس يدك وابكي عندك <<< هذي كل مره يقولها لي
وانا اعطيتك كذا واعطيتك كذا
يجلس يدقق على اشياء تافهه وكمان يتمنن علي
طيب انا ماطلبت منك لا تبكي ولا تبوس يدي
وفي الاخير بعد ماطفشني وذلني قالي قولي وش تبغين اجيب لك
قلت ماابغى شي ولا تجيب وحلفت يمين مااخذ منه شي
وخواته مره قليلين ادب مايستحوا مره
ومحد يحبهم
ومتمشكلين مع حيم اخوانهم كلهم
وابوهم متزوج ثنتين وام زوجي الثانيه تصدقون هو يحب الاولى ومايجلس الا عندها لانها طيبه مره
بس الثانيه ياساتر ماتقدر تجلس اذا جيت عندها كاني في مركز شرطه تحقيق
ماتخلي شي ماتسال عنه وصلت معها تسال عن رواتب خواتي واخواني
المهم انا اصلا اكرهه من اول وحاولت احبه وكاني شوي تعودت عليه بس يوم ضربني صرت اكرهه مره يعني مالنا خمس شهرو كذا يسوي ايش خلا لبعدين
وبعدين يبغاني 24 ساعه مبسوطه واسولف واضحك طيب انا ماعندي سوالف
هو متعود على اهله ماشاءالله السماعه في الاذن 24 ساعه
احنا لا انا وخواتي بس نكلم بعض مانكلم حد ثاني ونكلم ابوي وزوجته
لان كثرة الكلام والقيل والقال تسبب مشاكل

وهو يبغاني اسولف كثير وحتى لمن اسولف معاه يروح يقول لاهله وعلمته انه لايقول لهم شي بس طفشت منه
مايسمع الكلام
هم يسحبونه في الكلام ويحرضونه علي بطريقه غير مباشره
زي مره كان جايي من السفر ووصل الساعه 5 الفجر اتفقنا انا وياه انه يجي لي العصر عشان مااقدر اطلع واهلي نايمين
المهم يوم رحت عند اهله امه تقول قدامه انا زوجي ماكان يخليني وراه ابد اذا مشى لازم معاه
وهي اصلا عايشه بمنطقه وزوجها بمنطقه
يعني كذابه بس استحيت اقول لها هالكلام من جد تقهر مره
وخواته يتكلموا على اهلي وخواتي واذا دافعت عنهم قاموا قلبوا السالفه والكلام الي قالوه عن اهلي يقولون انه انا الي قلته عليهم
الله واكبر عليهم
بس ماغير اقول حسبي الله عليهم ونعم الوكيل

ايه صح ويقول انتي ماترحبي فيني ...يبني ارحب فيه وهو بيته يعني مو ضيف ولو رحبت فيه يوم مابجلس كل يوم ارحب فيه
بسهم خواته يجلسوا يتكلموا عنده انهم مثليات والمشكله يجلسوا عند اهلهم بالاشهر ورياجيلهم بالبيت لوحدهم

المهم اعطوني حل كيف اتعامل معهم ومع زوجي
طفشني وهو يتمننن علي
واهله ترى مااروح لهم االا ذا جا زوجي يعني مره بالشهر ومع كذا ماسلمت من مشاكلهم
حتى اذا جو اهلي عندي ولا اي احد الاقهم عندي فوق مع اني ماعزمتهم
بس قررت اني بس اسلم على امه وابوه من عند الباب واروح بيتي
ايش رايكم
46
6K

يلزم عليك تسجيل الدخول أولًا لكتابة تعليق.

تسجيل دخول

رحيق83
رحيق83
ربنا يريح بالك ويهدي زوجك
ببسي
ببسي
سبحان الله وبحمده

سبحان الله العظييم
الريتاج2010
الريتاج2010
الله يسهل امورك يارب

الحياه يبغى لها شويه صبر

عشان المركب تمشي

والله يعين
أمة التواب
أمة التواب
يا رب يهدي زوجك و يسخره لك
على حسب ما حكيتي المشكل في طبعه انه ينقل الكلام لاهله و يخاف منهم : (
استعيني بالدعاء و وسعي صدرك و اصبري و حاولي تفهمينه انه الي بيعمله غلط و يخلي اهله يتدخون بحياتكم
الله يعينك و يقويك
moono
moono
يرفع الضغط الله يعينيك عليه ةيفرجها عليك