غدير ال عمران :

طيب واللي ساكنه دور إيجار وتقطعت يدينها وهي تدعك في الحمامات والافياش ومسكات الباب ولا فيه فايدة والمطبخ الله يعلم وش سوت فيه من تنظيف وجلي ومع ذلك ما بين في هالحاله وش تسوي يعني احيانا يكون العيب من البيت يكون المبنى قديم وما يبين فيه النظافة والله هالدور اللي أنا ساكنته خسرت عليه تقريبا مية الف وبتقولون ابالغ لكن والله وربي اللي خلقني إني دفعت هالمبلغ عشان تبان النظافة فيه ومع ذلك ما بين صدق من قال البيت القديم اذا رمم مثل العجوز اللي تبي ترجع شبابها وكل من زارني شكيت له من تعبي في نظافة البيت ويقولون العيب مو فيك العيب في بيتك مايبين فيه الترتيب والتنظيف لانه قديم تكفون ساعدوني وش الحل راحت فلوسي وتعبت وجتني حاله نفسيه من هالبيت وانا حرمه احب الزين والنظافة والترتيب والسناعه لكن هالبيت ما يساعدني ولا تقولون غيريه لانه مستحيل اغيره إلا في بيت ملك والبيت الملك شكلي بموت ما سكنت بيت ملك تكفون انتظر مساعدتكم على احر من الجمر

طيب واللي ساكنه دور إيجار وتقطعت يدينها وهي تدعك في الحمامات والافياش ومسكات الباب ولا فيه فايدة...