اخواتي
ياليت اي واحده تذكر لنا مطعم حلو تقول لنا مواصفاته من ناحية
1 - الجلسه هل هي مستره وفيها خصوصيه .يعني هل عندهم حواجز
2- هل المكان رومانسي وهادي ..لاني ما احب الزحمه
3- نوعية وجوده الاكل
وبناء على المواصفات المذكوره فوق
ناويه قريب اعزم زوجي في مطعم محترم ...يعني غير الفاست فود الي تعودنا وانجبرنا عليه عقب ولدي الله يخليه ...وناويه اصرف ولدي ....فابي مطعم تمام يخلي زوجي ما ينسى هالعزومه ابد
ما ادري عن الجلوب جلساته مستره والا ؟؟؟؟؟
وايش رايكم في روما الي في عماير السيركون ؟؟؟

اهلين أختي كاجو أنا اقولك عن روما مرة رايق بس ما يحطون لك البارتشن الا اذا طلبتي ولا الصالة عايمه على بعضها انا رحت له الظهر ايام الأسبوع وماكان فيه الا انا وزوجي عشان كذا ارتحت مره
اما مطعم الجلوب اظنه نفس الشيء
بالنسبه للأسعار في روما من الميتين وطالع واظن ما فيه مطعم فخم اقل من هذا السعر
المنيو حقهم فيه كله بس احلى شي الأكل الصيني
تبين اكل صححححححح روحي لبعلبك اكلهم ررررررررررهيب ولذيذ بس جلستهم سخيفه
عندك الريف اللبناني في التحليه الجلسه خاصه لك غرفه مسكر عليك بس اكلهم مب حلو وغالي
جزيرة الأحلام قدام الفيصليه روعه اكلهم والمكان والديكوركأنك داخله في بحر تلاقينه في مربع السيفوي
اتمنى افدك واذا تبين مطاعم ثانيه انا جاهزه

الف شكر لك اختي
mnooor25
بالنسبه للسعر مو مشكله
لاني عارفه ان اي عشا في مطعم محترم راح يكلف من الميتين وطالع وحاطه هالشي بحسابي
وبعدين هالعزومه مره في العمر الله العالم متى تتكرر
بالنسبه لبعلبك وينه فيه ؟
وقصدك جلساته سخيفه من ناحية الديكور ؟والا عايمه في بعض على قولتك؟
الريف اللبناني قد رحلت له وعجبني اكلهم وجلساتهم بس ودي اجرب مكان ثاني
وجزيره الاحلام اشلون المنيو حقهم ؟كله بحري ؟لاني ما احب البحري
وياليت تقولين لي عن مطاعم ثانيه اذا عندك خبره وبايش تنصحيني
وجزاك الله الف خير

الحمد لله اني افدك
شوفي اختي بعلبك في العروبه في الشارع اللي فيه الدبلوماسي واكلهم لذذذذذذذذذذذذيذ لبناني وديكورهم مو حلو عارفه كراسي البوفيهات الحمراء زي كذا بس المطعم ساتر
جزيرة الأحلام المنيو حقهم صيني غالبيته اكل بحري
عندك مطعم النخبه في التخصصي وانت متجهه للثمامه عندهم مشاوي حلوه والمنيو حقهم خليطي ايطالي اسباني بحري وجلستهم فخمه تحسينك سيدة اعمال وراااااقي
وانصحك اذا مارحتي لأفوكادو تروحين مرررررررررررره رومانسي
واذا تبين شيء ثاني انا حاضره لكن يمكن ما ارد الا يوم السبت

هلا حيبتي فردوس .. انتي الذوق والله

وبالنسبة للبنات ياقلبي ماعليك منهم .. وترى هالاشكال ما تطلع الا من 10 الليل وطالع وفي الويك اند ..

انصحك روحي في ايام الدوام من بعد المغرب الين 10 .. بصراحة شي حلو

لا وازيدك من الشعر بيت ..

الانارة خاااااااااااااااااااااااااااااااااافتة مرة يعني شي رومانسي على اصول .. ولو جو بنات قليلات حيا مارح يبانون خخخخخخ ..

والله انا مجربتها يعني لما تقعدين ما تشوفين احد زين ان شفتي زوجك ..

صدقيني روحي وبتدعيلي خاصة في السيجار القهوة

ايه نسيت اقولك شغلة .. ترى نظامهم انه اقل شي لازم تدفعي 100 ريال للشخص يعني انتي بكيفك تطلبين بهالمية اللي تبين او تزيدين .. وترى عندهم مقبلات واشياء خفيفة .. انصحك بالقهوة لا تفوتك

وان شا الله يعجبك