الي تبي عيالها يتفوقون بدراستهم تتفضل ,, السر عندي !!

عندي قصه سمعتها قبل كم يوم و ودي تقرونها ( هذا الله يسلمكم طلاب اخوان بنفس المدرسه ما شا الله تبارك الله تفوق واخلاق ومحترمين اساتذتهم وزملائهم ولا قد احد سمع منهم كلمه او شاف منهم شي
شين وغير كذا ما شا الله محافظين على الصلاه الفروض والنوافل .. المدرسين متأكدين انه اكيد وراهم اب حريص عليهم ومتابعهم ومتشدد معاهم والا ما يكونون بهالطريقه واكيد ابوهم او امهم ناس متعلمين
ويتابعونهم بدارستهم علشان كذا هم متفوقين ,, لكن الغريب ولا مره شافوا ابوهم ولا مره جاء للمدرسه او حضر اي اجتماع لاولياء الامور وهم يعرفون ان الاباء الحريصين على تفوق عيالهم باستمرار يحرصون على حضور المدرسه والسؤال عنهم اول باول ,,, لكن هذا ابوهم ليش ما يشوفونه مع انهم يعرفون انه حي ؟؟؟ والمفاجأه انه جاهم لاول مره وكان شايب كبير وجاء يسأل عن مستوى عياله !!! الكل استغرب
واغلب المدرسين كان ردهم ( عيالك ما شا الله ما ينسأل عنهم ) قاله واحد من المدرسين (غريبه انك تسأل عنهم وعن مستواهم ؟؟ عيالك قمه في الدين والاخلاق والتفوق والكل يتمنى عياله يوصلون ربع
المستوى الي فيه عيالك ... كيف ؟؟ معقوله ما تابعهم ولا تعرف عنهم شي ؟؟) قاله الاب ( انا رجال كبير مثل ما تشوف ولا اقرا ولا اكتب وغير كذا اكد على تاكسي من يوم كانوا صغار اطلع من الفجر ولا
ارجع الا بساعات متأخره ويكونون ناموا و ايام اغيب عنهم بالايام والاسابيع ومافيه فرصه اشوفهم واسألهم عن دراستهم واجلس معهم كله علشان اوفر لهم قرش يلبسهم ويوكلهم وادفع فيه اجار البيت لكن الحمد لله ربي اكرمني فيهم والسر ؟؟؟؟؟؟!!!!!! اني من يوم كانوا الصغار وعلشاني انشغل عنهم ولا اقدر اتابعهم بدراستهم لاني ما اقرا ولا اكتب ما كان بيدي شي اسويه لهم الا ,,, الدعاء ,, مستحيل ليله تمر
وانام فيها قبل ما افرش سجادتي واصلي ركعتين وادعي لهم ان الله يهديهم ويصلحهم ويوفقهم بحياتهم )

يا اخوات الدعاء له اهميه كبيييييييييييره ومهم جدا في تربيه العيال وفي صلاحهم وتفوقهم ونجاحهم بحياتهم كلها من يوم ما كانوا صغار الى ان يتزوجون ويخلفون وللاسف غافلين عنه ,, مع ان الكل عارف ان دعاء الام مستجاب وغير كذا الله من رحمته فينا حدد اوقات يستجاب فيها الدعاء ( بين الاذان و الاقامه .. في السجود ,,, بعد التشهد قبل التسليم ,,, وقت قيام الليل ,,, في السفر ,,, اثناء الصيام وعند الافطار ,,, وقت المطر ,,, )تخيلوا كل هالفرص تضيع مننا واحنا لاهين ,,,, والله خساره ما بعدها خساره ,,

المشكله الانسان لما يفشل بدراسته او حياته الاجتماعيه او الوظيفيه او الزوجيه على طول هو الي يسمع اللوم ,,,مع اننا ننسى ان الخلل في تربيته في الام والاب ,, ايه من جد الغلط في اهله !! تلقينه واحد من اثنين اما انه عمره سمع من اهله وخصوصا امه كلمه تشجيع او رفع معنويات او دعوه ,,,,,, لاهيه عنه وتاركته يصارع هالحياه ويشق طريقه ويعيش التجارب لحاله بدون ماتكون لها بصمه ,,, او ان امه ما سمع منها غير السب واللعن والشتم والتعنيف والتحقير والتجريح في شخصيته ( انت شقي ,, انت غبي ,, انت ما تفهم ,, فلان احسن منك ,, فلان اذكى منك ,,ليش اصحابه اشطر منك ,,,,, الخ ) والادهى و الامر اذا سمع دعوه عليه !! وعلى بالها انها تربيه

صلاح عيالنا وتفوقهم وهدايتهم بعد الله بيدينا وبفضل كل دعوه حلوه تدعينها له بصلاتك وصيامك وذكري الي حواليك بهالشي اذا سمعتي وحده تشتكي من عيالها ذكريها انها تدعي لهم

ما اقول غير (((( الله يهديهم ويصلحهم ويرزقنا برهم )))